पोखरा । सिक्लेस हाइड्रोपावर लिमिटेडको लाभांस घोषणा सहित १८ औं वार्षिक साधारण सभा सम्पन्न भएको छ । १३ मेघावाटको मड्क्यु खोला जलविद्युत आयोजनाले सोमबार पोखराको आभ्या क्लवमा सम्पन्न भएकाे साधारण सभामा कर सहित १०.५२ प्रतिशतको लाभांस घोषणा गरेको हो ।

साधारण सभामा बोल्दै कृषि, उर्जा तथा जलश्रोत मन्त्री बेद बहादुर गुरुङ्गले लाभांस वितरण गर्न सक्ने अवस्थामा आइपुग्नु लिमिटेडको सफलता भएको बताउनुभयाे । मन्त्री गुरुङ्गले लिमिटेडका संस्थापक स्व.सूर्यबहादुर केसीको स्मृती गर्दै उहाँकै आँट र उर्जाका कारण सिक्लेसमा यो हाइड्रोपावर पुगेको औल्याउनुभयाे । यो योजना सिक्लेसवासीका लागि ऐतिहाँसिक र गर्व गर्न लायक योजना भएको मन्त्री गुरुङ्गको भनाई थियो । मादी गाउँपालिका वडा १ का वडाध्यक्ष देवीजंग गुरुङ्गले कम्पनीलाई स्थानियले विगतकै जस्तो साथ र सहयोग गर्नुपर्नेमा जोड दिनुभयाे ।

सो अवसरमा बोल्दै लिमिटेडका प्रबन्ध निर्देशक रोशन केसीले हाइड्रो निर्माण शुरु भएपछि गोर्खा भूकम्प, बाढी, कोरोना महामारी जस्ता समस्यासंग जुध्न पर्दा आयोजना अनुमानित समय भन्दा केहि ढिला सम्पन्न भएको तथा लागत पनि केहि बढी पर्न गएको बताउनुभयाे । २ अर्व ३१ करोड ७६ लाखको आयोजना निर्माण ढेकेदार, परामर्शदाता, लगानीकर्ता बैंक तथा मेहेनती कर्मचारीका कारण यो अवस्थासम्म आइपुगेको उल्लेख गर्दै सबैप्रति कृतज्ञता जाहेर गर्नुभयाे ।

गैर आवासिय नेपाली संघका अध्यक्ष समेत रहनुभएका लिमिटेडका निर्देशक कुल आचार्यले नेपालमा हाइड्रोपावरको सम्भावनाका बारेमा प्रकाश पार्दै मुलुकको आर्थिक विकासका लागि हाइड्रोमा थप लगानी गर्नुपर्नेमा जोड दिनुभयाे । लिमिटेडका निर्देशक सुनिल नारायण श्रेष्ठले साधारण सभामा शेयर सदस्यहरुले उठाएका जिज्ञासा मेटाउनुभएकाे थियाे । सो अवसरमा पब्लिकको तर्फबाट लिमिटेडले महेश कार्कीलाई निर्देशकमा मनोनित गर्यो । लिमिटेडका प्रबन्धक निराजन महर्जनले कार्यक्रम सञ्चानल गर्नुभएकाे थियाे ।

लाभांससिक्लेस हाइड्रोपावर

प्रकाशित मिति: मङ्लबार, चैत्र २१, २०७९, ११:५२ बिहान

लेखक: समाचारपाटी