गोविन्द तिमिल्सिना पाेखरा । सर्वोदय बचत तथा ऋण सहकारी संस्था पोखरा ९ न्यूरोडको १५ औं साधारण सभा शुक्रबार पोखरामा सम्पन्न भएको छ । कार्यक्रममा बोल्दै प्रमुख अतिथि सल्लाहकार दिल बहादुर भट्टराईले कार्यक्रम सफलताको शुभकामना दिदै आफुले कास्कीलाई नेपालीको पहिलो दिशा मुक्त जिल्ला बनाउन अभियान सञ्चालन गरेको बताउनुभयो ।

कार्यक्रममा पोखरा २३ का वडा सदस्य शान्ति शर्मा, सल्लाहकार रबि प्रसाद बराल लगाएतले बोल्नु भएको थियो । संस्थाको सेयर पुजी १ करोड ९४ लाख ५४ हजार २०० रहेकोमा निक्षेप संकलन ११ करोड ३४ लाख ११ हजार ३२९ र १२ करोड ४९ लाख ७२ हजार १४४ ऋण लगानी रहेको संस्थाका लेखा समिति संयोजक धर्म राज पौडेलले जानकारी दिनुभयो । कार्यक्रममा सचिव कुमार प्रसाद बरालले वार्षिक प्रगति प्रतिबेदन र कोषाध्यक्ष गीता देवी पौडेलले आर्थिक प्रतिबेदन प्रस्तुत गरेकोमा सभाले पारित गरेको थियो ।

उपाध्यक्ष कृष्णप्रसाद अधिकारीले स्वागत गरि सुरु भएको कार्यक्रममा सदस्य हरि प्रसाद अधिकारीले सहकारीको सात सिद्धान्त वाचन गर्नु भएको थियो ।
संस्थाका अध्यक्ष खिम प्रसाद तिमिल्सिनाको अध्यक्षतामा भएको कार्यक्रमको सञ्चालन सचिव बरालले गर्नु भएको थियो ।

साधारण सभा

प्रकाशित मिति: शनिबार, पुस २३, २०७९, ८:२५ बिहान

लेखक: समाचारपाटी