प्रतिनिधि सभा सदस्य सरस्वती सुब्बाले सरकारले पुरानै अवस्थाबाट जग्गाको कित्ताकाट खोल्नु देशको वर्तमान परिवेश विपरित भएको बताउनुभएको छ ।

बुधवार बसेको प्रतिनिधि सभा बैठकको आकस्मिक समयमा बोल्दै प्रतिनिधि सभा सदस्य सुब्बाले मन्त्रिपरिषद्ले भू–उपयोग नियमावली २०७९ लाई संशोधन गर्दै जग्गाको कित्ताकाट खोल्नु दुःखद् भएको बताउनु भयो । उहाँले पुरानौ अवस्थाबाट जग्गाको कित्ताकाट गर्नु वर्तमान परिवेश विपरित भएको बताउनु भयो । यसले कृषिभूमि समाप्त पार्ने बाटो खोल्ने बताउनु भयो । उहाँले जमिनको दलालीकरण बढाउने पनि उल्लेख गर्नुभयो ।

 उहाँले भन्नुभयो – ‘पुरानै अवस्थामा कित्ताकाट खोल्नु देश र वर्तमान परिवेश विपरित छ । यसले जमिनको खण्डिकरण बढाउँछ । कृषि भूमि समाप्त पार्ने बाटो खोल्छ । प्राकृतिक जोखिम न्युनिकरण र सिमान्तकृत समुदायको समस्या समाधानको बाटो बन्द गरिदिन्छ । जमिन दलालीकरण बढाउँछ । त्यसैले पुरानै अवस्थामा कित्ताकाट खोल्ने निर्णय सच्याउन म सरकारको ध्यानाकर्षण गराउन चाहन्छु ।’

उहाँले पुरानै अवस्थामा कित्ताकाट खोल्ने निर्णय सच्याउन सरकारको ध्यानाकर्षण गराउनु भयो ।
त्यसैगरी, आकस्मिक समयमा बोल्दै प्रतिनिधि सभा सदस्य श्यामकुमार घिमिरेले निजी क्षेत्रले विदेशमा ऊर्जा व्यापार गर्नसक्ने कानून बनाउन माग गर्नुभयो । निजी क्षेत्रलाई विद्युतको आपूर्ति र व्यापारमा सहभागी हुन पाउने व्यवस्था पनि कानूनमा उल्लेख गर्नुपर्ने उहाँको माग छ । 

उहाँले भन्नुभयो – ‘हिजोबाट शुरु भएको पावर समिटमा प्रधानमन्त्रीले आगामी २०२५ सम्ममा हिउँदमा पनि विद्युत निर्यात गर्नसक्ने कुरा बताउनुभएको रहेछ । त्यसका लागि बजारिकरणलाई सशक्त बनाउन निजी क्षेत्रलाई पि टू पि माध्यमबाट विदेशमा ऊर्जा व्यापार गर्नसक्ने कानून तत्काल बनाइयोस् भनि जोडदार माग गर्दछु । साथै अन्य लोकतान्त्रिक मुलुकमा झैँ नेपालमा पनि निजी क्षेत्रलाई विद्युतको आपूर्ति र व्यापारमा सहभागी हुन पाउने व्यवस्था सोही कानूनमा उल्लेख भएर आओस् भन्नेपनि माग गर्दछु । यसले नेपाल विद्युत प्राधिकरणलाई समेत थप प्रतिष्पर्धी र प्रभावकारी बनाउनेछ भन्ने कुरा जोडदारसँग उठाउन चाहन्छु । उक्त कानून कहिलेसम्म आउँछ ? त्यो कुरा विभागिय मन्त्रीले सदनलाई जानकारी गराउनु हुन जोडदार अपिल गर्दछु ।’

उहाँले सो कानून कहिलेसम्म आउँछ भन्ने पनि विभागिय मन्त्रीले सदनलाई जानकारी गराउनुपर्ने बताउनु भयो ।

कित्ताकाटसरस्वती सुब्बा

प्रकाशित मिति: बुधबार, बैशाख ६, २०८०, ३:१० बेलुका

लेखक: समाचारपाटी