कर्णप्रिय स्वरका धनि सन्तोष खत्रिले आफ्नै रचना, संगीत र एलिना चौहानसंगै युवा पुस्तामा उर्लिने वैंश, त्यो बेलामा हुने मायाको जोश र फकाउने युवावस्थाकै तरिकालाई पछ्याएका छन् ।

नेपाली सुगम संगीतका लागि सर्वश्रेष्ठ तथा लोकप्रिय बनेका गीतहरु कहिं न कहिं लोक र लोकवासीको माया र प्रेमसंग जोडिएकै हुन्छन् । लोकको लयलाई दुरुस्तै संगीतको साजसज्जासहित स्वरांकित स्वर भरिएका गीतका आकारहरु अडियो, भिडियो आउँदा दंग नपर्ने र वाह १ कति राम्रो भन्ने र छमछमि नाच्नेहरुको कमि हुँदैन ।

यही परिवेशको एउटा गीत सार्वजनिक भएको छ । जो माथि व्यक्त गरिएको भावसंगै मेल खाने हालको भएकैले होला सबैको गुनगुनाउने, नाच्ने नचाउने र प्यारो बनेको छ । ‘हतार भो पिरिम लाउन‘।‘ मायाबिनाको संसार कल्पना बाहिरको कुरा हो । तर यसमा भद्रता, सत्यता, ढाँटछल नभएको अवश्य हुनुपर्छ । अनि यो नै सर्वश्रेष्ठ ठहरिन्छ ।

गीत, संगीत यस्तो चिज हो जस्ले चराचर जगतका सबैलाई छुन्छ । के बच्चा, के युवा र के प्रौढ सबैलाई यस्ले प्रफुल्ल बनाउछ अनि विश्वभरकै धन सम्पतीभन्दा धेरै माथि हुन्छ, जस्तो मूल्य हुँदैन । यस्को कुनैसंग साटफेर र तुलना गर्न सकिदैन । आखिर यो मायाले गर्दा नै हो । यसको जति बखान गरेपनि सकिन्न ।

गीतलाई सन्तोष खत्रिले लेखेका हुन् भने संगीत पनि उनैको छ । स्वरमा स्वयं सन्तोष र एलिना चौहानको रहेको छ । गीतमा संगीत संयोजन पुष्कर सुनुवारको रहेको छ । यसलाई मिक्सिङ तथा माष्टरिङ पुष्कर सुनुवारले गरेका हुन् । मेलोडी नेपालमा रेकर्ड गरिएको यो गीतलाई डिजे मेवाहाङले रेकर्ड गरेका हुन् ।

सार्वजनिक गरिएको गीतको भिडियोमा सन्तोष खत्रि र एलिना चौहानको अभिनय रहेको छ । क्यामरामा नविन सुनुवार (मोहन) रहेका छन् । यसको सम्पादन नविन सुनुवारले गरेका हुन् । पव्लिसिटि डिजाईनमा गोविन्द विष्ट रहेका छन् । गीतको निर्माण पक्षले नेपाली गीत, संगीतलाई माया गर्न र यसको प्रवर्धनमा सघाउन आग्रह गरेको छ ।

https://www.youtube.com/watch?v=qURfwikK46c

प्रकाशित मिति: शुक्रबार, फाल्गुन २३, २०८१, ४:२१ बेलुका

लेखक: समाचारपाटी