रूस संयुक्त राज्य अमेरिका र युक्रेनले प्रश्ताव गरेको ३० दिने युद्धविराम योजनाको पक्षमा रहेको रूसी राष्ट्रपति भ्लादिमिर पुटिनले बताउनुभएको छ । पुटिनले भ्रमणमा रहनुभएका बेलारुसी राष्ट्रपति अलेक्ज्याण्डर लुकाशेन्कोसँगको पत्रकार सम्मेलनमा यस्तो टिप्पणी गर्नुभएको हो । शत्रुता रोक्ने प्रश्तावहरूसँग सहमत रहेको तर युद्धविराम दीर्घकालीन शान्तिको लागि नेतृत्व गर्ने र यस संकटको मुल कारणहरूलाई हटाउने गरी हुनुपर्ने बताउनु भयो । 

पुटिनले द्वन्द्वको २ हजार किलोमिटर सम्पर्क रेखामा युद्धविराम उल्लङ्घनको निगरानीमा कठिनाइ भएको उल्लेख गर्नुभयो । युक्रेनले परिचालन र हतियार आपूर्तिको लागि अस्थायी युद्धविराम प्रयोग गर्नसक्ने मुद्दा उठाउनु भयो । उहाँले कुस्र्क क्षेत्रको बारेमा सुक्ष्मता उल्लेख गर्नुभयो । जहाँ रूसी सेनाले अगस्ट २०२४ मा सीमापार आक्रमण गरेपछि युक्रेनी सेनालाई पराजित गर्दै आएका छन् । 
सिन्ह्वा

युक्रेनसंयुक्त राज्य अमेरिका

प्रकाशित मिति: शनिबार, चैत्र १, २०८१, १२:३० बेलुका

लेखक: समाचारपाटी