काठमाडौं । रुसले युक्रेन युद्धमा लड्न अस्वीकार गरेका एक सैनिकको निर्मम हत्या गरेको छ। हालै युक्रेनबाट फर्केका वैगनआर समूहका एक सैनिकको हथौडाले टाउकोमा हानेर हत्या गरेको भिडियो सार्वजनिक भएको छ।

उनी युक्रेनबाट छुटेका ६३ जना रुसी सैनिकमध्ये एक थिए। उनको नाम डीमित्री याकुशान्को थियो र उनी रूसको तर्फबाट युद्धमा संलग्न निजी वैगनआर सेनाका सदस्य थिए।

याकुशान्कोमाथि जानीजानी युद्ध त्यागेर युक्रेनतर्फ भागेको आरोप लागेको थियो। युद्धभूमिमा लड्दा मैले महसुस गरें कि यो लडाईं मेरो होइनु, उनले एक भिडियोमा भनेका थिए।

रुस र युक्रेनले फेब्रुअरी ४ मा युद्धका क्रममा कब्जामा लिएका सैनिकको आदानप्रदान गरेका थिए। द इन्साइडरका अनुसार यो सम्पूर्ण घटनाको भिडियो वाग्नरसँग सम्बन्धित ग्रे जोन नामक टेलिग्राम च्यानलले पोस्ट गरेको थियो।

भिडियोमा याकुशान्कोको टाउको टेपमार्फत इँटामा बाँधेर भित्तामा टाँसिएको देखिन्छ। पछाडि उभिएका एक व्यक्तिले उनको टाउकोमा तीन पटक हथौडाले हिर्काए र उनको मृत्यु भयो।

मर्नुअघि याकुशान्कोले भनेका थिए, म आज निप्रोमा थिएँ, जब कसैले मेरो टाउकोमा हिर्कायो र घाइते बनायो। त्यसको ठीक पछि, म यो क्यामेरामा सीधै होश पाएँ। मलाई मृत्युदण्ड दिइनेछ भनेर भनिएको छ।

गत वर्षको सुरु भएको युद्धको चार दिनपछि याकुशान्को बखमुत हुँदै युक्रेन भागेका थिए। धम्कीबाट बच्नका लागि उनले आफूसँग मेसिनगन र ग्रेनेड पनि राखेका थिए। युक्रेन पुग्नका लागि आफू बिस्तारै हिँडेको र एक हप्ताभित्रै त्यहाँ पुगेको उनले बताएका थिए। उनले अन्य रुसी सैनिकहरूलाई पनि युद्ध छोडेर आफूसँग सामेल हुन आग्रह गरेको बताइएको छ।

युद्ध लड्नुअघि जेलमा

रिपोर्टका अनुसार याकुशान्को हत्यारा थिए। वाग्नरमा भर्ना हुनुअघि जोलाई डकैती र हत्याको अभियोगमा क्रिमियाको जेलमा राखिएको थियो। सन् २०१४ मा जब पुटिनको सेनाले यसलाई कब्जामा लियो, उनलाई त्यहाँबाट हटाइयो र रुसको एंगेल्स जेलमा राखियो।

उनले १९ वर्ष जेल सजाय भोगेका थिए। त्यसपछि उनी रुसको तर्फबाट लड्न जेलबाट छुटाइएको थियो। वास्तवमा, वाग्नर समूहले युक्रेनमा युद्ध लड्नका लागि अपराधीहरूलाई आफ्नो सेनामा समावेश गरेको आरोप लगाइएको छ।

युद्धबाट भागेपछि वाग्नर समूहले निर्ममतापूर्वक हत्या गर्ने याकुशान्को पहिलो रुसी सैनिक भने होइनन्। यसअघि ५५ वर्षीय येवगेनी नुझाइन नामगरेका एक सैनिकलाई पनि हथौडा प्रहार गरी मृत्युदण्डको सजाय सुनाइएको थियो।

पुटिनका निकट मानिने र वाग्नर ग्रुपका मालिक येभगेनी प्रिगोजिनले भने, यो कुकुरका लागि कुकुरको मृत्यु हो। याकुशान्कोजस्तै उनको मृत्युको भिडियो पनि ग्रे जोनले पोस्ट गरेको थियो।

रुससैनिकहत्या

प्रकाशित मिति: बिहिबार, फाल्गुन ४, २०७९, ११:१० बिहान

लेखक: समाचारपाटी