काठमाडौैं । राष्ट्रिय स्वतन्त्र पार्टीको बैठक सुरु भएको छ।

पार्टी केन्द्रीय कार्यालय बसुन्धारामा केहीबेरअघि सुरु भएको बैठकमा सरकारमा बस्ने कि बाहिरिने विषयमा अन्तिम निर्णय हुनेछ।

बैठकअघि सभापति रवि लामिछानेले बालुवाटर पुगेर प्रधानमन्त्री पुष्पकमल दाहाल प्रचण्डसँग भेटेका थिए । सो भेटमा प्रधानमन्त्री प्रचण्डले गृह मन्त्रालय बाहेकका मन्त्रालय प्रस्ताव गरेका थिए।

गृह मन्त्रालय पाउनुपर्ने अडान राखेको रास्वपालाई भौतिक पूर्वाधार मन्त्रालय लिन प्रस्ताव गरेपछि रास्वपामा यसबारे छलफल भइरहेको छ। निर्णायक भन्दै शनिबार बसेको बैठक बिना निष्कर्ष सकिएको थियो।

राष्ट्रिय स्वतन्त्र पार्टी

प्रकाशित मिति: आइतवार, माघ २२, २०७९, १:०१ बेलुका

लेखक: समाचारपाटी