काठमाडौं ।  राष्ट्रिय स्वतन्त्र पार्टीले सरकारलाई दिएको समर्थन फिर्ता लिएको छ । 
शुक्रवार पार्टी केन्द्रिय कार्यालय बसुन्धारामा बसेको केन्द्रिय समिति र संसदीय दलको बैठकले यस्तो निर्णय गरेको हो ।

बैठकपछि सञ्चारकर्मीहरुसँग कुरा गर्दै पार्टीका सभापति रवि लामिछानेले सरकारलाई दिएको समर्थन फिर्ता लिएको र प्रतिपक्षमा बस्ने जानकारी दिनुभयो । उहाँले संयुक्त बैठकबाट यो निर्णय गरेको बताउनु भयो । उहाँले जनभावनाको कदर गर्दै आफूहरुले यस्तो निर्णय गरेको बताउनु भयो ।

उहाँले अब पार्टीले संसदमा सशक्त भुमिका निर्वाह गर्ने प्रतिवद्धता जनाउनु भयो । उहाँले अब पार्टीले संगठन बिस्तारको प्रक्रिया द्रुतगतिमा अघि बढाउने पनि बताउनु भयो ।

अब संसदमा रचनात्मक प्रतिपक्षको भुमिका निर्वाह गर्ने पनि बताउनु भयो । सभापति लामिछानेले भुटानी शरणार्थीबारे सरकारले चालेको कदम स्वागतयोग्य रहेको र यसलाई निरन्तरता दिने वा नदिनेबारेमा भने नियालीरहेको बताउनु भयो ।

राष्ट्रिय स्वतन्त्र पार्टीसमर्थन फिर्ता

प्रकाशित मिति: शुक्रबार, बैशाख २२, २०८०, ८:४१ बेलुका

लेखक: समाचारपाटी