काठमाडौंँ । ‘गाईजात्रा’ हास्य र ब्याङ्ग्यको पर्व हो। यो पर्वलाई लक्षित गर्दै बजारमा बिभिन्न हास्य ब्यङ्ग्यका सामाग्री बजारमा भित्रिने गरेको छ । यस्तै १४ भदौमा परेको गाइजात्रालाई लक्षित गर्दै कलाकार आशिष शाह ठकुरी र अजय शाह ठकुरीले कमेडी कोसेली ‘दिल्लीको मुर्रा’ सार्वजनिक गरेका छन् ।

राजनीतिक, आर्थिक,सामाजिक लगायत बिभिन्न बिषयबस्तु समेटिएको ‘दिल्लीको मुर्रा’मा देशमा बर्षभरि घटेका बिषयबस्तुमाथि चेतनात्मक रुपमा ब्याङ्ग्य प्रस्तुत गरिएको छ । ‘गाईजात्राको मुख्य उद्देश्य भनेको समाजमा रहेको वेथिति विसंगती प्रति ब्याङ्ग्य गर्नु हो’, आशिषले भन्नुभयाे ‘त्यहि पेरिफेरिमा रहेर यो पटकको गाईजात्रा तयार गरेका छौँ ।’

पछिल्लो समय रोजगारीका लागि कोरिया पुग्नुभएका आशिष र अजयले ‘दिल्लीको मुर्रा’ उतैबाट सार्वजनिक गर्नुभएकाे हाे।
रेडियो कान्तिपुरको हाँस्यव्यङ्ग्यात्मक कार्यक्रम ‘ गज्जब छ बा’, कान्तिपुर टेलिभिजनको हास्य सिरियल ‘ट्वाक्क टुक्क रिर्टन्स’ लगायत थुप्रै सिरियल र स्टेज कार्यक्रममा अनुभव भएका आशिष र अजयको यो कोसेलीमा सहकार्य एकदमै गजवको रहेको छ ।
‘दिल्लीको मुर्रा’को छायांकन अजय शाह र सम्पादन आशिष आफैले गर्नुभएकाे छ । करिव १७ मिनेटको भिडियो
सहितको ‘दिल्लीको मुर्रा’ मा उल्लेखित व्यङ्ग्यात्मक प्रस्तुतिले दर्शक तथा श्रोताको मन जित्ने विश्वास आफुलाई
रहेको आशिषले बताउनुभयाे । भिडियो अनलाईन चौतारी नामक युट्युब च्यानल मार्फत सार्वजनिक भएको हो ।
गतबर्ष आशिषले ‘बालकोटको बार्दली’ नामक कमेडी कोसेली सार्वजनिक गर्नुभएकाे थियाे । जसको रामै चर्चा भएको थियो ।

गाईजात्राहास्य र ब्याङ्ग्य

प्रकाशित मिति: आइतवार, भदौ ३, २०८०, ९:१८ बिहान

लेखक: समाचारपाटी