काठमाडौं । सञ्चार तथा सूचना प्रविधिमन्त्री रेखा शर्माले चलचित्रको गुणस्तर विकास गर्नुपर्ने बताउनुभएको छ । 
शनिवार चलचित्र विकास बोर्डको २३ औं वार्षिकोत्सव कार्यक्रमलाई सम्बोधन गर्दै उहाँले यस्तो बताउनुभएको हो । उहाँले अहिलेको संरचनाले चलचित्र क्षेत्रको समग्र विकास गर्न नसक्ने बताउनु भयो । उहाँले संरचना वृद्धि गर्दै गुणस्तरीय चलचित्र निर्माण गर्न जरुरी रहेको बताउनु भयो । उहाँले स्वदेशी चलचित्र प्रवद्र्धनमा जोड दिनुपर्ने बताउनु भयो । उहाँले चलचित्रमा विषयवस्तु पस्किने, कलाकारिताको परिष्कृत रुप देखाउने र अहिलेको देशको आवश्यकताका रुपमा देखाउन आवश्यक रहेको बताउनु भयो । 

उहाँले भन्नुभयो, ‘अहिलेको संरचनाले चलचित्र क्षेत्रको समग्र रुपमा प्रवद्र्धन गर्नसक्छ की सक्दैन ? त्यो प्रश्न छ । हिजो गठन गर्ने बेलामा गरियो, सानो रुपमा तर अब जन्मिले बेलामा जो पनि सानो नै हुन्छ तर परिपक्व हुँदै जाँदा यसका संरचना वृद्धि गर्नुपर्छ अहिले चलचित्र ऐन मन्त्रालयमा छ । हामीले स्वदेशी चलचित्रको कुरा गरेका छौँ । स्वदेशी चलचित्र प्रवद्र्धन गर्नुपर्छ । राज्यका नीतिबाट यसलाई अघि बढाउन जरुरी छ ।

सरकारले अपनाउने नीतिबाट पनि यसको पहिलो संरक्षण हुनुपर्छ । दोस्रो कुरा यो प्रतिष्पर्धा हो । हामीले हाम्रो चलचित्रको गुणस्तर विकास गर्नैपर्छ । यसलाई हेर्नैपर्ने बनाउनै पर्छ । त्यसो गर्दा विषयवस्तु पस्किने, कलाकारिताको परिष्कृत रुप देखाउने र अहिलेको देशको आवश्यकताका रुपमा देखाउन जरुरी छ ।’

रेखा शर्मासञ्चार तथा सूचना प्रविधिमन्त्री

प्रकाशित मिति: शनिबार, असार १६, २०८०, ८:५३ बेलुका

लेखक: समाचारपाटी