उत्तरपूर्वी सिरियाको अल–अरिशा शरणार्थी शिविरमा मंगलवार विस्थापित सिरियालीहरूको पहिलो ठूलो मात्रामा स्वेच्छिक स्वदेश फिर्ता भएका छन् । जसमा ५८ परिवारका ३०५ जना सहभागी थिए । शिविरका प्रशासक सलवा अहमद हाजोले आगामी हप्ताहरूमा विस्थापित सिरियालीहरूको थप योजनावद्ध फिर्ता हुने बताउनु भयो । हाजोले स्वेच्छिक फिर्ताको श्रेय सिरियाको राजनीतिक परिवर्तन, शिविरमा बिग्रँदै गएको जीवनयापन अवस्था र “सहायता संस्थाहरूको घट्दो क्षमतालाई दिए । 

मिडिया रिपोर्टहरूका अनुसार हसाका शहरबाट लगभग २५ किलोमिटर दक्षिणमा रहेको अल–अरिशा शरणार्थी शिविर यस क्षेत्रको सबैभन्दा ठूलो शिविरहरूमध्ये एक हो । जहाँ लगभग २ हजार ७ सय परिवारमा लगभग १४ हजार मानिसहरू बस्छन् । 
सिन्ह्वा

शरणार्थी शिविरसिरिया

प्रकाशित मिति: बुधबार, माघ ३०, २०८१, १०:३३ बिहान

लेखक: समाचारपाटी