टर्कीका राष्ट्रपति रेसेप तैयप एर्दोगानले प्यालेस्टिनीहरूलाई उनीहरूको मातृभूमिबाट विस्थापित गर्ने शक्ति कसैसँग नरहेको बताउनुभएको छ । एर्दोगानले तीन राष्ट्रको एशिया भ्रमणको लागि प्रस्थान गर्नुअघि इस्तानबुल अतातुर्क विमानस्थलमा पत्रकार सम्मेलनमा यस्तो टिप्पणी गर्नुभएको हो । गाजाजावासीहरूलाई उनीहरूको प्राचीन र अनन्त मातृभूमिबाट निष्कासन गर्ने शक्ति कसैसँग नरहेको उहाँको भनाइ थियो । गाजा, पश्चिम किनार र पूर्वी जेरुसेलम सबै प्यालेस्टिनीहरूको भएको बताउनु भयो । 

ट्रम्प र नेतान्याहू दुवैको टिप्पणीले क्षेत्रीय र अन्तर्राष्ट्रिय आक्रोश निम्त्याएको छ । धेरै देशहरूले प्यालेस्टिनीहरूलाई आफ्नो मातृभूमिबाट विस्थापित गर्ने कुरालाई अस्वीकार गर्ने र दुई–राज्य समाधानको लागि समर्थन गर्ने आवाज उठाएका छन् । 
सिन्ह्वा

प्यालेस्टिनीरेसेप तैयप एर्दोगान

प्रकाशित मिति: मङ्लबार, माघ २९, २०८१, ७:५४ बिहान

लेखक: समाचारपाटी