धरान । धरान घुम्न आएकी एक युवती बलात्कारको सिकार बनेकी छिन्। ताप्लेजुङबाट धरान घुम्न आएकी २० वर्षीय युवती बलात्कृत भएकी प्रहरीले जनाएको छ।

रोजगारीको सिलसिलामा शुक्रबार धरान झरेकी युवतीलाई आइतबार धरानको भानुचोकस्थित भोजपुरे होटलमा लगेर अभियुक्तले जबरजस्ती करणी गरेको युवतीले बताएकाे प्रहरीले जनाएकाे छ । युवती बलात्कार गरेको अभियोगमा धरानका ३५ वर्षीय सागर राइलाई पक्राउ गरिएको सुनसरीका प्रहरी प्रमुख एसपी बिपिन रेग्मीले बताउनुभयाे।

युवतीले आफूलाई रोजगारी मिलाइदिने भन्दै अभियुक्तले होटलमा भेट गरौं भनी जबरजस्ती गरेको, अभियुक्त राईले युवतीलाई बलत्कार गरी कुटपिट गरेर होटलमा बन्धक बनाएर राखेको प्रहरीले बताएकाे हाे । अर्को मान्छेले होटलको कोठाको ढोका खोलिदिएपछि युवती बाहिर निस्किएर प्रहरीकोमा पुगेकी थिइन्।

बलात्कार गरि फरार रहेका राइलाई वडा प्रहरी कार्यालय धरानको प्रहरीले छाताचोकबाट पक्राउ गरेको थियो। पीडित युवतीको स्वास्थ्य परीक्षण गरी अभियुक्त विरुद्ध कानुनी कारबाहीको प्रक्रिया अगाडि बढाइएको एसपी रेग्मीले बताउनुभएकाे छ। पीडित युवतीको धरानमा आफन्त कोही नभएकोले उहाँलाई प्रहरीले संरक्षण गरेर राखेको छ।

धरानबलात्कारयुवती

प्रकाशित मिति: आइतवार, भदौ १६, २०८१, १:०५ बेलुका

लेखक: समाचारपाटी