जनता समाजवादी पार्टी, नेपालका नेता प्रकाश अधिकारीले राष्ट्रपतिको निर्वाचन पछि जसपा सरकारमा जाने बताउनु भयो । 

उहाँले भन्नुभयो – ‘अधिकतम दलको सहमति भएको । त्यसकारण सहमति नै हो यो । उपराष्ट्रपति बारेमा निर्णय हुन सकेको छैन । राष्ट्रपतिको निर्वाचन के– के छ सबै भएपछि स्वभाविक हो पार्टी त सरकारमा जान्छ नै ।’

जनता समाजवादी पार्टी, नेपालका नेता राजकिशोर यादवले रामचन्द्र पौडेल राष्ट्रपतिको उम्मेदवारको रुपमा उत्तम र सर्वश्रेष्ठ रहनुभएको बताउनु भयो । उहाँले पौडेलले संविधान र पदको दुरुपयोग नगर्ने बताउनु भयो । पौडेलले राष्ट्रपति पदको मर्यादा र गरिमालाई बढाउने नेता यादवको भनाई छ ।

उहाँले भन्नुभयो – ‘उहाँ चर्चा भइरहेका उम्मेदवारहरुमा राम्रा उम्मेदवार, उत्तम उम्मेदवार हो । हाम्रो प्रयास थियो यसमा राष्ट्रिय सहमती होस् । अहिले अधिकतम सहमतिको उम्मेदवार उहाँ हुनुहुन्छ । त्यसैले यो व्यवस्था र संविधानको रक्षकको रुपमा उहाँको भुमिका सफल हुन्छ भन्ने सोँचका साथ उम्मेदवार बनाएका हौँ । उहाँ सर्वश्रेष्ठ उम्मेदवार हुनुहुन्छ । अब यो संविधान राष्ट्रपतिबाट पदीय दुरुपयोग हुँदैन । तलमाथि हुँदैन । व्यवस्थाको रुपमा पनि अगाडी जान्छ र उहाँले संविधानको रक्षा गरेर यसलाई समृद्ध बनाएर अगाडी बढ्नुहुन्छ । र पदीय मर्यादा र गरिमालाई उहाँले बढाउनुहुन्छ ।’

उहाँले आफूहरुले उपराष्ट्रपतिको उम्मेदवार निश्कलंकित र सबैलाई स्वीकार्य हुनेगरी दिने पनि बताउनु भयो ।

source:-newsagencynepal

राजकिशोर यादव

प्रकाशित मिति: शनिबार, फाल्गुन १३, २०७९, ५:०० बेलुका

लेखक: समाचारपाटी