काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेले सभामुख देवराज घिमिरेलाई भेटेर सांसद् पदबाट आफूलाई गरिएको निलम्बन फुकुवा गरिदिन माग गर्नूभएको छ । सभामुख घिमिरेले भन्नु भयो आफूले पूर्वाग्रहमा सांसद् पदबाट निलम्बन नगरेको भन्दै छलफल गर्ने बताउनु भएको छ ।

आफ्नो सांसद पद निलम्बन प्रक्रियासंगत नरहेको भन्दै लामिछाने शुक्रबार सिंहदरबारस्थित सभामुखको कार्यकक्षमा पुग्नु भएको हो । त्यसक्रममा उहाँले आफ्नो सांसद पद तत्काल फुकुवा गर्न माग गर्दै सभामुखलाई निवेदन समेत दिनु भएको छ ।तर, सभामुखले ‘छलफल गर्दै गर्ने’ जवाफ दिनु छ । सभामुखले अगाडि भन्नु भएको छ, ‘मैले पूर्वाग्रहमा तपाईंको सांसद पद निलम्बन गरेको होइन ।’

सभामुख घिमिरेले कास्की जिल्ला प्रहरी कार्यालयको जानकारी पत्रका आधारमा गत पुस ८ गते लामिछानेलाई सांसदबाट निलम्बन गर्ने निर्णय गर्नभएको छ । सभामुखको निर्णय अनुसार संसद सचिवालयले लामिछानेको सांसद पद निलम्बनमा परेको सूचना टाँस गरेको थियो ।तर, यो प्रक्रियासंगत नरहेको विषय आफूहरूले उठाउँदै आएको र यही कुरा शुक्रबार सभामुख घिमिरेलाई निवेदनमार्फत अवगत गराइएको रास्वपाकी सांसद सोबिता गौतमले जानकारी दिनुभयो।

निलम्बन फुकुवा गरिदिन माग : रवि लामिछानेसांसद् पदबाट गरिएको

प्रकाशित मिति: शुक्रबार, माघ १८, २०८१, १:१४ बेलुका

लेखक: समाचारपाटी