काठमाडौं । प्रधानमन्त्री पुष्पकमल दाहालले आफ्नो न्युयोर्क र चीन भ्रमणबारे संसदलाई जानकारी गराउनुभएकाे छ। दाहालले चिनियाँ राष्ट्रपति सी जिङपिङलाई हाङचाओमा भेट्ने कार्यसूची रहेको बताउनुभयाे।

असोज ५ गते न्ययोर्कबाट सिधै चीनको हाङचाओ जान लागेका प्रधानमन्त्री दाहालले असोज ६ गते राष्ट्रपति सीसँग शिष्टाचार भेट गर्नुहुने भएकाे हाे। राष्ट्रपति सीसँगको भेटवार्तापछि प्रधानमन्त्री दाहाल एसियन गेम्समा सहभागी हुनुहुनेछ।

त्यसको भोलिपल्ट उहाँले चिनियाँ समकक्षी ली चियाङसँग भेट गर्नुहुनेछ। समकक्षीसँगको भेटमा नेपाल र चीनबीच द्विपक्षीय सम्झौता हुने प्रधानमन्त्री दाहालले बताउनुभयाे। यद्यपि कुन कुन विषयमा सम्झौता हुने भन्नेबारे उहाँले केही खुलाउनुभएन।

त्यसको भोलिपल्ट चोककिङ महानगरपालिकाको भ्रमण गर्ने त्यहाँ विज्ञान र प्रविधि विषयको अवलोकन गर्ने प्रधानमन्त्री दाहालले बताउनुभयाे। त्यसको भोलिपल्ट उहाँले नेपालसँग सीमा रहेको तीब्बतको स्वसाशित क्षेत्रको अवलोध गर्नुहुनेछ।

उहाँले नेपाल र चीनबीच लामो समयदेखि घनिस्ट सम्बन्ध रहेको चर्चा गर्नुभयाे। उहाँले चीन र नेपाल विकास साझेदार रहेको बताउँदै नेपालको विकासमा चीनको भूमिका महत्वपूर्ण रहेको बताउनुभयाे। उहाँले नेपाली जनताको हित र नेपाल चीन सम्बन्धलाई मजबुत बनाउने प्रयास आफ्नो रहने बताउनुभयाे।

चिनियाँ राष्ट्रपति सीपुष्पकमल दाहाल

प्रकाशित मिति: शुक्रबार, भदौ २९, २०८०, ३:०५ बेलुका

लेखक: समाचारपाटी