काठमाडौं । प्रधानमन्त्री प्रचण्डले ६ महिनाभित्रमा सबै नेपालीलाई नागरिकता वितरण गर्ने बताउनुभएकाे छ। प्रधानमन्त्रीमा आफूलाई विश्वासको मत माग्नेक्रममा प्रतिनिधि सभामा आफ्नो प्रतिबद्धता राख्दै ६ महिनाभित्रमा सबै नेपालीलाई नागरिकताको प्रत्याभूति गराउने बताउनुभयाे। त्यस्तै एक वर्षभित्रमा सहज रुपमा राष्ट्रिय परियचयपत्र बाँडिने बताउनुभयाे। 

न्यायपालिकाको सुधार र सुदृढीकरण, भ्रष्टाचार नियन्त्रणमा आफ्नो प्रतिवद्धता रहेको प्रचण्डले बताउनुभयाे।  देशको आर्थिक वृद्धिदर २ अंकको बनाउने लक्ष्यका साथ काम गर्ने बताउँदै प्रधानमन्त्री प्रचण्डले सो लक्ष्य हासिल गर्न सबैको साथ र सहयोग चाहिने बताउनुभयाे।

प्रतिबद्धता

प्रकाशित मिति: मङ्लबार, पुस २६, २०७९, २:३८ बेलुका

लेखक: समाचारपाटी