काठमाडौं । प्रधानमन्त्री पुष्पकमल दाहाल प्रचण्ड आज गोरखा जाँदैहुनुहुन्छ । खेलकुद मैदान हरमटारीमा आजबाट सुरु हुने ११ औं गोरखा महोत्सव उदघाटन प्रचण्ड गोरखा जान लाग्नुभएकाे हाे । प्रधानमन्त्री बनेपछि प्रचण्ड गोरखा जान लागेको यो पहिलो पटक हो ।

गोरखा क्षेत्र नम्बर २ बाट प्रतिनिधि सभा सदस्यमा निर्वाचित हुनुभएका प्रचण्ड १० पुसमा प्रधानमन्त्री बन्नुभएकाे थियाे । उहाँले मंगलबार -हिजो) संसदमा विश्वासको मत पाउनुभएकाे थियाे ।

यसैबीच प्रधानसेनापति प्रभुराम शर्मा पनि आजै गोरखा जाँदैहुनुहुन्छ । गोरखा नगरपालिका-६ ठूलो आँगनमा निर्मित पृथ्वीनारायण शाहको शालिक अनावरण गर्न प्रधानसेनापति शर्मा गोरखा जान लाग्नुभएकाे हाे । सो अवसरमा नेपाली सेनाले परम्परागत पोशाकमा परेड प्रदर्शन पनि गर्नेछ ।

पुष्पकमल दाहाल प्रचण्ड

प्रकाशित मिति: बुधबार, पुस २७, २०७९, १२:२० बेलुका

लेखक: समाचारपाटी