प्रधानमन्त्री पुष्पकमल दाहालले जाजरकोट र रुकुममा अस्थायी पुनःनिर्माणको काम एक महिनाभित्र सम्पन्न भइसक्ने बताउनुभएको छ । 

मंगलवार राष्ट्रको नाममा सम्बोधन गर्दै प्रधानन्त्री दाहालले जाजरकोट र रुकुममा अस्थायी पुनःनिर्माणको काम एक महिनाभित्र सम्पन्न भइसक्ने बताउनु भयो । उहाँले भूकम्प पीडितका लागि प्रतिपरिवार ५० हजार रुपैयाँका दरले निकासी भइसकेको बताउनु भयो । उहाँले विपद् व्यवस्थापनका लागि १० अर्ब रुपैयाँको व्यवस्थापन गरिएको पनि बताउनु भयो । 

उहाँले भन्नुभयो – ‘जाजरकोट, रुकुम भुकम्पपछि खोज र उद्दारमा सरकारले लिएको तदारुकताले पनि राज्यप्रति जनताको भरोसा बढाएको छ । भूकम्पका कारण आवास क्षति भई बसोबास गर्न अयोग्य परिवारलाई अस्थायी आवास निर्माणका लागि प्रतिपरिवार ५० हजार रुपैयाँ दिने निर्णय गरी २ अर्ब २६ करोड निकासी गरियो । साथै चालु आर्थिक वर्षका लागि संसदीय क्षेत्र विकास पूर्वाधारका लागि विनियोजन गरिएको रकम ८ अर्ब हाललाई भूकम्प पछिको पुननिर्माण तथा पुनःउत्थानमा खर्च गर्ने र थप रु. एक अर्ब ७५ करोड समेत सो कोषमा थप गरी रु. १० अर्ब विपद् व्यवस्थापनका लागि गराइँदैछ । अब एक महिनाभित्र अस्थायी पुनःनिर्माणको काम सम्पन्न गरिसकिनेछ ।’ 

उहाँले जाजरकोट र रुकुमको भुकम्पपछि खोज र उद्दारमा सरकारले लिएको तदारुकताले राज्यप्रति जनताको भरोसा बढाएको उल्लेख गर्नुभयो ।

अस्थायी पुनःनिर्माणपुष्पकमल दाहाल

प्रकाशित मिति: मङ्लबार, पुस १०, २०८०, ७:२३ बेलुका

लेखक: समाचारपाटी