प्रधानमन्त्री केपी शर्मा ओली नेपालमा रोजगारीको अवसर छैन भन्नेकुरा सही नभएको बताउनु भएको छ । सातौँ सामाजिक सुरक्षा दिवसको अवसर पारेर ट्रेड युनियन महासंघ (जिफन्ट) ले मंगलवार काठमाडौंमा आयोजना गरेको एक कार्यक्रममा बोल्दै उहाँले सो कुरा बताउनुभएको हो । प्रधानमन्त्री ओलीले नेपालमा उपयुक्त खालको आकर्षक रोजगारीको अवसर भने नभएको सत्य भएको बताउनुभएको हो । नेपालमा रोजगारीको अवसर नभएर खाना नपाउने खालको हाहाकारस्थिति भयो भन्नेकुरा साच्चो नभएको प्रधानमन्त्री ओलीको भनाई थियो । उहाँले जनतालाई उपयुक्त खालको अवसर दिनका लागि सरकारले सामाजिक सुरक्षाको व्यवस्थालाई अघि बढाएको पनि स्मरण गराउनु भयो । 

प्रधानमन्त्री ओलीले भन्नुभयो, ‘नेपालमा जब अपरच्युनिटी छँदैछैन भन्ने होइन । उपयुक्त खालको भएन, आकर्षक खालको भएन । एउटा कुरा त्यो हो । जब अपरच्यूनिटी नपाएर नेपालमा खाना नै नपाउने हाहाकारको स्थिति भयो भन्ने होइन । तर उपयुक्त खालको मान्छेले भनेजस्तो जब अपरच्युनिटी भएन । भनेजस्तो आकर्षक इन्कम भएन, वचतको स्थिति भएन । यी कुराहरु साँचो हुन । जुन अवस्थालाई बदल्नु पर्छ । र हामीले नयाँ ठाउँमा पुग्नुपर्दछ । यिनै प्रयासहरु अन्तर्गतको प्रयासको हो सामाजिक सुरक्षा । योगदानमा आधारित सामाजिक सुरक्षा । ’प्रधानमन्त्री ओलीले नेपालमा कल्पना गर्न नसकिने खालको परिवर्तनहरु भएको दाबी समेत गर्नुभयो ।

—न्युज एजेन्सी नेपाल

ट्रेड युनियन महासंघप्रधानमन्त्री केपी शर्मा ओली

प्रकाशित मिति: बुधबार, मंसिर १२, २०८१, १०:३६ बिहान

लेखक: समाचारपाटी