सङ्खुवासभा । प्रधानमन्त्री पुष्पकमल दाहाल प्रचण्ड बाढीपहिरो प्रभावित क्षेत्रको अवलोकनका लागि सङ्खुवासभा जाँदै हुनुहुन्छ ।

उहाँ आज हवाईजहाजमार्फत् सङ्खुवासभा आउनुहुने प्रमुख जिल्ला अधिकारी शिवकुमार कार्कीले जानकारी दिनुभयो ।

प्रधानमन्त्री प्रचण्डसहित, गृहमन्त्री नारायणकाजी श्रेष्ठ, सङ्खुवासभाबाट निर्वाचित प्रतिनिधि सभाका सांसद दीपक खड्का, प्रदेश सभा सदस्य राजेन्द्र कार्कीलगायत आउनु हुने कार्कीले जानकारी दिनुभयो ।

शनिवार राति आएको बाढीले सङ्खुवासभामा अहिलेसम्म १ जनाको मृत्यु भएको छ भने २१ जना बेपत्ता भएका छन् । बाढीबाट करोडौँ रुपैयाँ बराबरको भौतिक क्षति भएको छ ।

पाँचखपन नगरपालिका–४ र चैनपुर नगरपालिका–९ को बीचमा पर्ने हेवाखोलामा आएको बाढीले सुपर हेवा हाइड्रोपावर कम्पनीमा कार्यरत १८ जना, सभापोखरीमा दुई जना र नुनढाकीमा एक जना गरी २१ जना बेपत्ता भएका छन् । उनीहरुले खोजी कार्य भइरहेको छ ।

बाढी प्रभावित क्षेत्रको अवलोकनसङ्खुवासभा

प्रकाशित मिति: सोमवार, असार ४, २०८०, १२:४७ बेलुका

लेखक: समाचारपाटी