मकवानपुर । राष्ट्रपति विद्यादेवी भण्डारीले हेटौँडा अस्पतालको नवनिर्मित भवनको उद्घाटन गर्नुभएको छ ।

नेपाली सेनाको हेलिकप्टरबाट आज मङ्गलवार हेटौँडा आइपुग्नुभएकी भण्डारीले मदनभण्डारी स्वास्थ्य विज्ञान प्रतिष्ठान हेटौँडा अस्पतालको सङ्घीय सरकारको ४३ करोड रुपैयाँ लागतमा निर्माण भएको तीन तले भवनको उद्घाटन गर्नुभयो ।

अस्पतालले नयाँ भवनबाट जनशक्ति थप गरेर उपचार सेवालाई प्रभावकारीरूपमा अगाडि बढाएको छ । पहिले रिफर अस्पतालको रूपमा परिचित हेटौँडा अस्पतालमा अहिले धेरै खालका बिरामीको उपचारसँगै विभिन्न रोगको नियमित अप्रेशन गरिँदै आएको छ ।

राष्ट्रपतिविद्यादेवी भण्डारी

प्रकाशित मिति: मङ्लबार, फाल्गुन ९, २०७९, १:५९ बेलुका

लेखक: समाचारपाटी