काठमाडौं । लामो समय पछी अभिनेता पल शाहले अभिनय गरेको भिडियो 'तिमीसंगै हुँदा' सार्वजनिक भएको छ । लोकप्रिय गीतकार निशा शर्मा अर्यालको रचनामा तयार पारिएको गीत तिमीसँगै हुँदा ओेएसआर डिजिटलबाट सार्वजनिक भएको हो ।

तिमीसँगै हुँदालाई निर्देशक तथा कोरियोग्राफर दिनेश पाख्रिनले निर्देशन गर्नुभएकाे हाे । अभिनेता पल शाह कानुनी प्रकृया लम्बिदा लामो समय कुनै पनि भिडियो र फिल्ममा देखिनुभएन । उहाँ कानुनी प्रकृया सकेर बाहिर आए लगतै दिनेश पाख्रिन निर्देशित भिडियोमा काम गर्नुभएकाे हाे ।

पहिले नै सम्झौता भए अनुसार पलले तिमीसँगै हुँदामा काम गर्नुभएकाे हाे । जनक कार्की नृत्य निर्देशक रहेको गीतमा पलसँगै कला राईकाे फिचर्ड रहेकाे छ । रोमान्टिक लभस्टोरी गीतमा सन्तोष श्रेष्ठको संगीत र प्रकाश मिश्रको मिक्सिङ रहेको छ ।

निशा शर्मा अर्यालको शब्दलाई राजु कार्कीले एरेन्ज गर्नुभएकाे हाे । गीतमा प्रताप दास र अस्मिता अधिकारीको स्वर रहेको छ । यस्तै तिमीसँगै हुँदालाई राम केसीले खिच्नुभएकाे हाे भने सम्पादन, कलर र भिएफएक्स टेकेन्द्र शाहको रहेको छ ।

चलचित्र निर्माता तथा निर्देशक समेत रहेका दिनेश पाख्रिनले तिमीसँगै हुँदाको भिडियोलाई धेरै लगानीमा निर्माण गरेको बताउनुभएकाे छ । गीत सर्लाहीको बागमती आसपास छांयाकन गरिएको छ । गीतले आन्तरिक पर्यटन प्रवर्द्वनमा सहयोग पुग्ने निर्माण पक्षले जनाएको छ ।

पल शाहले लामो समय पछी भिडियोमा अभिनय गरे बापत ३ लाख पारश्रमिक लिने बताउनुभएकाे छ । निर्देशक पाख्रिनले भने पहिले नै सम्झौता हुँदा झण्डै ३ लाख नजिक पारश्रमिक दिएको बताउनुभएकाे छ । पलले यसपछी होम प्रोडक्शनको भिडियोमा काम गर्दै हुनुहुन्छ ।

https://www.youtube.com/watch?v=fkyp8GrJ7KI&t=4s

अभिनेता पल शाहअस्मिता अधिकारीप्रताप दास

प्रकाशित मिति: शनिबार, चैत्र १८, २०७९, ९:१८ बिहान

लेखक: समाचारपाटी