साहित्य, कला र संस्कृतिको क्षेत्रमा काम गर्दै आएको नई प्रकाशनले एक सय रुपैयाँको सिक्का र दश रुपैयाँको हुलाक टिकट प्रचलनमा ल्याएको छ । 

नेपाल राष्ट्र बैंकबाट टकमरी भएको सो सिक्का र हुलाक सेवा विभागबाट १० रुपैयाँ हुलाक टिकट नई प्रकाशनको नाममा प्रचलनमा आएको हो । शनिवार काठमाडौंमा आयोजित एक कार्यक्रममा नेपाल प्रजा प्रतिष्ठानका पूर्वउपकुलपति बैरागी काईंला, समालोचक प्रा. डा. वासुदेव त्रिपाठी र नेपाल राष्ट्र बैठकमा सञ्चालक तथा पूर्वडिपुटी गभर्नर चिन्तामणि शिवाकोटीले सो सिक्का र हुलाक टिकटको लोकार्पण गर्नुभयो । कार्यक्रममा बोल्दै नेपाल राष्ट्र बैंकका सञ्चालन शिवाकोटीले कला, साहित्य र संस्कृतिको क्षेत्रमा काम गर्दै आएको नई प्रकाशनलाई सिक्का र हुलाक टिकट प्रचलनमा ल्याएको सफलता हात पारेकोमा बधाईँ ज्ञापन गर्नुभएको थियो । नेपालमा यसअघि २०६१ सालमा साहित्यको क्षेत्रमा कार्यरत मदन पुरस्कार गुठीले पनि सुनको असर्फी प्रचलनमा ल्याएको थियो ।

—न्युज एजेन्सी नेपाल

नेपाल राष्ट्र बैंक

प्रकाशित मिति: आइतवार, फाल्गुन २०, २०८०, १०:१४ बिहान

लेखक: समाचारपाटी