काठमाडौं I चर्चित बालगायक सचिन परियारको निधन भएको छ। त्रिभुवन विश्वविद्यालय शिक्षण अस्पतालले बिहीबार बिहान १०:४५ बजे उनको निधन भएको पुष्टि गरेको छ।

१३ वर्षीय सचिनको केही दिनदेखि अस्पतालको आईसीयूमा उपचार भइरहेको थियो। स्वास्थ्य समस्याका कारण अघिल्लो वर्षदेखि नै थलिएका परियार कम्मरमुनिको भाग राम्रोसँग चलाउन नसक्ने अवस्थामा थिए। यसअघि शल्यक्रिया गरे पनि उनले आफ्नै बलमा उभिन सक्ने अवस्था प्राप्त गर्न सकेका थिएनन्।

सचिन केही समयअघि मात्र टेलिभिजन कार्यक्रम ‘इन्द्रेणी’मा देखिएका थिए, जहाँ उनी राम्रोसँग बोल्नसमेत नसक्ने अवस्थामा थिए। भाइरल बालगायकका रुपमा परिचित सचिनका गीतहरूले सामाजिक सञ्जालमा चर्चा पाएका थिए।

उनले अभिनेता राजेश हमालसँग एक म्युजिक भिडियोमा अभिनय गरेका थिए भने हास्य श्रृंखला ‘मेरी बास्सै’मा पनि आफ्नो अभिनय प्रस्तुत गरेका थिए। सचिनले गाएका लोकप्रिय गीतहरूमा ‘रातो रबर एक’, ‘रुमाल खस्छ कि’, ‘के छ र हजुर’, र ‘बरको छायाले’ प्रमुख छन्।

उनको निधनले नेपाली संगीत तथा मनोरञ्जन क्षेत्रमा ठूलो क्षति पुगेको छ। सचिन परियारप्रति श्रद्धाञ्जली व्यक्त गर्दै परिवारप्रति गहिरो समवेदना।

चर्चित बालगायक सचिन परियारको निधनसचिन परियारको निधन

प्रकाशित मिति: बिहिबार, पुस १८, २०८१, १:१४ बेलुका

लेखक: समाचारपाटी