सब ठीक छ, अझै पनि घाम पूर्वैबाट उदाउँछ,

अझै पनि चन्द्रमा रातभरि मुस्काइरहन्छ,

अझै पनि बाटो उस्तै उकालो छ, र म?

म त हिँडिरहेकै छु। सब ठीक छ, हातमा किताब छ,

आँखामा निद्रा छ,

सपना कस्तो-कस्तो मक्किँदो छ,

पसलका वृद्ध घडीहरू भन्छन्—

समय त उस्तै छ, हतार किन?

सब ठीक छ,

परिश्रमको गन्ध आफ्नै पसिनाले थाहा पाइन्छ,

गन्तव्य कहाँ छ भन्ने प्रश्न प्रत्येक पाइला राखेपछि अझै गाढा बन्छ।

सब ठीक छ,

जीवन आफ्नै लयमा बगिरहेकै छ,

खोलाले किनार भेट्ने आशा गर्दै बगेझैँ,

म पनि गन्तव्यको आभास खोजिरहेकै छु।

सब ठीक छ, भोलि बिहान फेरि कसैले सोध्नेछ—

के छ त? र

म मुस्कुराएर भनिरहनेछु—

सब ठीक छ!

छठीकसब

प्रकाशित मिति: शुक्रबार, बैशाख ५, २०८२, ६:०४ बेलुका

लेखक: समाचारपाटी