काठमाण्डाैँ । नेकपा माओवादी केन्द्रको पदाधिकारीहरूकाे बैठक सुरू भएको छ।  बिहान ११ बजेका लागि बोलाइएको बैठक केही समय ढिलोगरी सुरु भएको हो। बैठकमा राष्ट्रपति,गृहमन्त्री र भोली बस्ने स्थायी कमिटी बैठकको एजेण्डाबारे छलफल हुने जनाइएको छ।

रवि लामिछाने नागरिकता विवादामा मुछिएपछि उहाँको सांसद, उपप्रधानमन्त्री र गृहमन्त्री पद गुमेको छ। उनी गृहमन्त्रीबाट बाहिरिएपछि माओवादीले गृहमन्त्रालय आफैसँग राखेको छ।

सर्वोच्च अदालतको आदेशअनुसार लामिछानेले पुन:नेपाली नागरिकताको प्रमाणपत्र लिइसक्नुभएकाे छ । लामिछाने बाहिएपछि रास्वपाले भने गृहमन्त्रीमा पुन:दावी गरेको छ। तर, प्रधानमन्त्री पुष्पकमल दाहाल 'प्रचण्ड'ले रास्वपालाई पुन:गृहमन्त्री नदिने मनस्थितिमा हुनुहुन्छ।

नागरिकता लिएपछि लामिछानेले गृहमन्त्रीकै विषयमा प्रधामन्‍त्री प्रचण्डसँग दुई पटक भेट गरिसक्नुभएकाे छ । तर,सो विषयमा प्रधानमन्त्री सकारात्मक नदेखिएको बालुवाटार स्रोतले बताएको छ।

आजै बिहान प्रधानमन्त्री प्रचण्डसँगको भेटमा रास्वपाका सभापति लामिछानेले गृहमन्त्रालय आफूले पाउनुपर्ने अडान दोहोर्‍याएको बताइएको छ। लामिछानेले सत्ता बाँडफाँडमा आफ्‍नो भागमा परेको गृहमन्त्रालय नपाए सरकारबाट बाहिरिने चेतावनी दिएको रास्वपा स्रोतले जनाएको छ।

गृहमन्त्रीराष्ट्रपति

प्रकाशित मिति: मङ्लबार, माघ १७, २०७९, २:१५ बेलुका

लेखक: समाचारपाटी