नेपाली कांग्रेसको १४औं महाधिवेशनमा गगनकुमार थापा र विश्वप्रकाश शर्मा महामन्त्रीमा निर्वाचित हुँदा प्रदीप पौडेल पराजित हुनुभएकाे थियाे । विद्यार्थी राजनीतिबाट आउनुभएका गगन थापा र विश्वप्रकाश पार्टीको पदाधिकारीमा पुग्दा पौडेल मनोनित केन्द्रीय सदस्यमा सीमित हुनुभयाे ।

प्रतिनिधिसभामा भने उहाँहरु एकसाथ हुनुहुनेभएकाे छ । महामन्त्री विश्वप्रकाश झापा १ मा झण्डै १० हजारको अग्रता लिइरहँदा अर्का महामन्त्री थापा काठमाण्डौं- ४ बाट निर्वाचित हुनुभएकाे छ । प्रदीप काठमाण्डौं- ५ बाट सांसद चुनिनुभएकाे छ।

मंगलबार राति सकिएको मत गणनामा पौडेलले नेकपा एमालेका वरिष्ठ नेता ईश्वर पोखरेललाई ५ हजारभन्दा बढी मतान्तरले पराजित गर्नुभएकाे हाे । प्रदीपले १५ हजार २ सय ३७ मत पाउँदा निवर्तमान सांसद समेत रहनुभएका पोखरेलले १० हजार १ सय ७५ मत मात्र पाउनुभयाे । पोखरेल, प्रतिनिधिसभा निर्वाचन–२०७९ मा हार व्यहोर्ने एमालेका पहिलो पदाधिकारी हुनुहुन्छ । पोखरेल एमालेमा अध्यक्ष केपी शर्मा ओलीपछिको वरियताका नेता हुनुहुन्छ ।

एमालेका हेभिवेट नेतालाई पराजित गर्दै कांग्रेस नेता पौडेलले आफ्नो उचाई बढाउनुभएकाे छ । दुई पटक यही क्षेत्रबाट सांसद हुनुभएका पोखरेल कोरोनाकालमा निकै विवादमा आउनुभएकाे थियाे भने कांग्रेसका पौडेल परीक्षण नभएका नेता हुनुहुन्छ ।

bagmati pradeshनेपाली कांग्रेसप्रदीप पौडेल

प्रकाशित मिति: बुधबार, मंसिर ७, २०७९, ८:३९ बिहान

लेखक: समाचारपाटी