प्यालेस्टिनी स्रोतकाअनुसार दक्षिणी गाजा पट्टीको खान युनिसको पश्चिममा विस्थापित मानिसहरूको लागि बनाइएको आश्रयस्थललाई लक्षित गरी बुधवार इजरायली आक्रमणमा २० प्यालेस्टाइनीको मृत्यु भएको छ । स्थानीय स्रोतहरू र प्रत्यक्षदर्शीहरूकाअनुसार इजरायली युद्धक विमानहरूले एउटा मिसाइलको साथ मावासी क्षेत्रमा विस्थापित मानिसहरूको घरमा रहेको आश्रयलाई निशाना बनाइ आक्रमण गरेका थिए । स्वास्थ्यकर्मीहरूले उद्धार टोलीले पाँच बालबालिकासहित २० पीडितको शव निकालेको र दर्जनौं घाइतेहरूलाई अस्पताल लगिएको बताएका छन् । इजरायली सेनाले अहिलेसम्म आक्रमणको बारेमा कुनै प्रतिक्रिया दिएको छैन । गाजामा जारी इजरायली आक्रमणबाट प्यालेस्टाइनीको मृत्यु हुनेको संख्या ४४ हजार ५३२ पुगेको छ । 
सिन्ह्वा

प्रकाशित मिति: बिहिबार, मंसिर २०, २०८१, १:२८ बेलुका

लेखक: समाचारपाटी