काठमाडौं । नेकपा एमालेका अध्यक्ष केपी ओलीले पूर्वराजा ज्ञानेन्द्र शाहले गरेको सहकार्यको प्रस्तावको कुनै औचित्य नभएको टिप्पणी गर्नुभएको छ। आज विराटनगर विमानस्थलमा पत्रकारहरूसँग कुरा गर्दै उहाँले यस्तो प्रतिक्रिया दिनुभएको हो।
एमालेका केन्द्रीय सदस्य तथा झापाका अस्पताल सञ्चालक दुर्गा प्रसाईंले हालै पूर्वराजा र परिवारबाट उद्घाटन गराएको अभियानबारे पत्रकारले राखेको जिज्ञासाको जवाफ दिँदै ओलीले ज्ञानेन्द्र शाह आफनो पुरानो आनीबानीबाट अझै मुक्त हुन नसकेको आरोप लगाउनुभयो।
उहाँले भन्नुभयो, ‘दुई सय ४० वर्ष शासन चलाउँदा देश कस्तो अवस्थामा थियो भन्ने थाहा नपाएका पूर्वराजा ज्ञानेन्द्र शाहसँग पुरानै धङधङी छ। उहाँले गणतन्त्र आएको १५ वर्षमा देश कस्तो भइसक्यो भन्ने अझै बुझ्न सकेका रहेनछन्।’