काठमाडौं l भारतको यूकेएफसीलाई हराउँदै न्युरोड टिम ९एनआरटी० क्लब बुढासुब्बा गोल्डकप फुटबलको फाइनलमा पुगेको छ ।

धरान रङ्गशालामा आज भएको दोस्रो सेमिफाइनलमा एनआरटीले यूकेएफसीलाई ३–१ गोलले हरायो । एनआरटीका प्रदीप बुढाथोकीले २ र शिशिर लेखीले १ गोल गरे । यूकेएफसीका हेमराज भुजेलले गोल गरे ।

अब एनआरटीले उपाधिका लागि चर्च ब्वाइज युनाइटेडसँग खेल्नेछ । हिजो भएको पहिलो सेमिफाइनलमा भुटानको आरटीसी क्लबलाई ७–० गोलले हराउँदै चर्च ब्वाइज फाइनलमा पुगेको थियो । फाइनल खेल पर्सि शनिवार हुनेछ ।

२५औं संस्करणको बुढासुब्बा गोल्डकपको विजेताले १० लाख र उपविजेताले ५ लाख रुपैयाँ पुरस्कार प्राप्त गर्नेछन् ।

उपाधिका लागि एनआरटीचर्च ब्वाइजले खेल्नेबुढासुब्बा गोल्डकपको

प्रकाशित मिति: बिहिबार, माघ २४, २०८१, ६:०१ बेलुका

लेखक: समाचारपाटी