नेपाली काँग्रेसकी सांसद कान्तिका सेजुवालले कर्णाली प्रदेशलाई क्षतिपूर्तिसहितको विशेष बजेट दिनुपर्ने बताउनुभएको छ । 

मंगलवार प्रतिनिधि सभाको बैठकमा विशेष समयमा बोल्दै सांसद सेजुवालले कर्णाली प्रदेशलाई क्षतिपूर्ति सहितको विशेष बजेट दिनुपर्ने बताउनुभएको हो । उहाँले विगतमा असन्तुलित बजेट आउने गरेको भन्दै यस पटक सन्तुलित बजेट ल्याउन माग गर्नुभयो । उहाँले सरकारले कर्णालीका पाँच जिल्लालाई विपद् संकटग्रस्त क्षेत्र घोषणा गरेपनि सो अनुरुपको बजेट व्यवस्थापन र कार्यक्रमहरु लागू हुन नसकेको बताउनु भयो । 
उहाँले भन्नुभयो – ‘हामी कृषिप्रधान देशमा हुर्केका । मार्सि चामल, फापर, गहुँ पिठो, जौँ, मकै, आलु खाएका व्यक्तिहरुलाई बजेट सन्तुलन नगरी ल्याउने नीति छ, जुन कार्यक्रम छ । अबको दिनमा फेरिपनि संशोधन हुनुपर्छ जस्तो लाग्छ । हामी कर्णालीले चाहेको जस्तो बजेट र क्षतिपूर्तिसहितको विशेषखालको बजेट ल्याइनुपर्छ भन्ने म माग राख्न चाहन्छु ।’
उहाँले खेतीपातिको सिजन शुरु हुन लागेको भन्दै खेतिबाली र पशुपंक्षीमा लाग्ने विभिन्न रोगहरुको नियन्त्रणका लागि सरकार अहिलेदेखि नै सचेत हुनुपर्ने बताउनु भयो ।

—न्युज एजेन्सी नेपाल

नेपाली काँग्रेससांसद कान्तिका सेजुवाल

प्रकाशित मिति: बुधबार, चैत्र २१, २०८०, ८:५० बिहान

लेखक: समाचारपाटी