काठमाडौं । एसीसी इमर्जिङ टिम्स एशिया कपमा नेपालले आफ्नो अन्तिम खेलमा आज युएई ए बिरुद्ध प्रतिष्पर्धा गर्दैछ ।

नेपाल र युएईबीचको खेल नेपाली समयअनुसार बिहान सवा १० बजे पि सारा ओभल कोलोम्बोमा शुरु हुनेछ ।

समूह बी मा रहेका नेपाल र युएई ए दुवै समूह चरणबाट बाहिरीसकेका छन् । नेपाल पहिलो खेलमा पाकिस्तान ए सँग ४ विकेट र दोस्रो खेलमा भारत ए सँग ९ विकेटले पराजित भएको थियो ।

दुवै टोली आजको खेल जित्दै सुखद् अन्त्य गर्न चाहन्छन् । 

इमर्जिङ टिम्स एशिया कपनेपाल र युएई

प्रकाशित मिति: बुधबार, साउन ३, २०८०, १०:१० बिहान

लेखक: समाचारपाटी