नेपाल टेकिङ—ट्राभल्स—र्याफ्टिङ—एयरलाइन्स श्रमीक युनियनले लाङटाङ हिमाल क्षेत्रका पदमार्ग र आधार शिविर क्षेत्रको सरसफाई गर्ने भएको छ ।

बुधवार काठमाडौंमा पत्रकार सम्मेलन गर्दै युनियनले यसबारेमा जानकारी गराएको हो । यस वर्ष १७ जना पदमार्ग क्षेत्रमा कार्यरत श्रमीकहरुको प्रत्यक्ष सहभागिता सरसफाई कार्यक्रम आयोजना गर्न लागिएको नेपाल टेकिङ—ट्राभल्स—र्याफ्टिङ—एयरलाइन्स श्रमीक युनियनका अध्यक्ष सुमनप्रसाद पराजुलीले बताउनु भयो । उहाँले २०५२ देखि निरन्तर हिमाल बचाउ, जलवायु परिवर्तनको असर कम गरौँ भन्ने अभियान गर्दै आइरहेको बताउनु भयो । उहाँले पदमार्ग सरसफाई कार्यक्रम जेठ ४ गतेदेखि १६ गतेसम्म सञ्चालन हुने बताउनु भयो । उहाँले नेपाल ट्रेडयुनियन महासंघ (जिफन्ट) र नेपाल टेकिङ—ट्राभल्स—र्याफ्टिङ—एयरलाइन्स श्रमीक युनियन (युनिट्राभ) तथा नेदरल्याण्डको ट्रेड युनियन एफ.एन.भी सँगको सहकार्यमा लाङटाङ हिमाल जाने पदमार्ग र हिमालको आधारशिविरसम्म सरसफाई गर्ने बताउनु भयो । जलवायु परिवर्तनको असर कम गरौँ, हिमाललाई बचाइराखौँ, मान्व जीवनलाई बचाइराखौँ भन्ने सन्देशसहित सरसफाई कार्यक्रम गर्न लागिएको बताउनु भयो । 

उहाँले श्रमीकहरु सामाजिक उत्तरदायित्व र पर्यावरणको संरक्षणमा पनि उत्तिकै जिम्मेवार रहेको सन्देश दिइएको बताउनु भयो । उहाँले हिमाल, पदमार्ग र पर्यावरण जोगाउन सबै सँगै एकजुट भएर लाग्न आग्रह गर्नुभयो ।

—न्युज एजेन्सी नेपाल

लाङटाङ हिमाल क्षेत्रसरसफाई अभियान

प्रकाशित मिति: बिहिबार, जेष्ठ ३, २०८१, ८:३४ बिहान

लेखक: समाचारपाटी