पोखरा । ‘जब म मेरो देश फर्किने छु त्यहाँ सबै सुखी हुनेछन् तर एकमात्र दुखी मान्छे त्यहाँ हुनेछ र त्यो म हुनेछु,’ पात्रको आशय भाव बोल्छ । नौ दिन अघि सामाजिक सञ्जाल यूटूब्बमा रिलिज भएको चलचित्र भूठानमा हरिवंश आचार्यले अस्पतालको शैयामा बसेर जब म त्यहाँ पुग्छु एक मात्र दुखी मान्छे म हुन्छु बोल्छन् । विषयवस्तु के छ ? सन्दर्भ के हो ? टिजर मात्र नभएर भूठान हेरेपछि दर्शकले बुझलान् । दर्शकले भूठानको भाव अहिल्यै बुझन भने खोजिरहेका छन् ।

यसैमाथि पोखरामा जारी भएको एनसिएल फाउण्डेसन नेपाल लिटरेचर फेस्टिभलको चौथौ दिन हरिवंशको भूठान यात्रा सत्रमा बहस भयो । सत्रमा पत्रकार स्वेच्छा राउतले निर्माता विनोद पौडेललाई प्रश्न गर्नुभयाे– भूठानको अर्थ के ? त्यसको जवाफ पौडेलले भने,‘मलाई चाहिँ के लाग्छ भने । टाइटलको व्याख्या दिए जस्तो हुन्छ । सिनेमा हेरिसकेपछि दर्शकले टाइटललाई कसरी व्याख्या गर्छन् महत्वपूर्ण हुन्छ त्यो आधारमा मैले टाइटल राखेको थिएँ । अहिले सामान्यतय भन्नुपर्दा अस्तित्व मेटिएको अथवा घर हराएको भन्ने मिडियामा आइरहेछ त्यसैलाई म मानिरहेको छु ।’

सुरुवातमा हाँस्यकलाकारको छवि बनाएका हरिवंश आचार्यले मान्छेको भाव बोक्ने चोटिलो पात्रमा पनि उत्तिकै देखिएका छन् । पछिल्लो समय महापुरुषबाट भावनात्मक रुपमा एक्लिएको पात्रमा देखिनुभएकाे थियाे उहाँ । हाँस्य मार्फत होस् वा गम्भीर पात्रको माध्यमले उहाँको पात्रले दिने सन्देश सधैँ गहन र चोटिलो हुन्छ । हरेक पात्रले कथा बोकेका हुन्छन् । महापुरुषमा देखिएको पात्र र भूठानमा देखिएको पात्रमा के कति फरक छ सहजकर्ता स्वेच्छाले प्रश्न गर्दै भन्नुभयाे, ‘महापुरुषमात्र भावनात्मक रुपमा एक्लिएको र दुखी भएको चरित्र यी चरित्रहरुभन्दा भर्खरै टिजरमा हेरेको दुखी मानिस कति फरक छ ?’ त्यसैक्रममा हरिवंशको भूठान यात्रा कसरी सुरु भयो चर्चा गरियो ।

चलचित्रको स्कृष्ट पढिसकेपछि आचार्यलाई त्यसमा आफनो स्थान बनाउन आशा लागेको उहाँले सुनाउनुभयाे । ‘चलचित्रको स्कृप्ट पढेँ यसभित्र म अटाउन सकेँ भने यसभित्रको चरित्र मैलै निर्वाह सकेँ भने मैले अर्को स्थान बनाउन सक्छु भन्ने मलाई आशा लाग्यो र यसमा अभियान गर्छु भन्ने अठोट गरेँ,’आचार्यले भन्नुभयाे । तीन वर्ष बढी समय लगाएर तयार भएको स्कृप्टमा हरिवंशको यात्रा रोचक छ । ग्लोबली चलचित्रलाई लिएर जाने कुराभएपछि कलाकार पनि सोही अनुसार लिने कुरा सुरुवात भएको उहाँको निर्माता पौडेलको भनाइ थियो ।

‘पात्र मात्र दिमागमा थियो । पछि फिल्म बनाउँदा ग्लोबली जाऊ भन्ने कुरा आयो । बलिउडको कलाकार लिऔँ भन्ने आयो,’ पौडेलेल भन्नुभयाे । सुरुवातमा मुख्य पात्रमा नसरुद्दिन शाहलाई ल्याउने कुराकानी भएको थियो । तर, मिलने । पछि, पौडेललाई आफनै माटो बुझेको कलाकार खोजे । उहाँलाई नाम आयो हरिवंशको । ‘जीवनसँग पाकेको कलाकार चाहिएको थियो त्यसका लागि हरिवंश बाहेक अरु देखिनँ । उहाँले खेल्दिनँ भन्ने फिल्म रोकिन्थ्यो । कलाकारिता मात्र होइन दाई सानैदेखि नै जीवनसँग पाक्दै पाक्दै आउनुभएको हो ।

त्यो पाक्दै गरेको मान्छेले सिनेमाको गहिराईलाई राम्रोसँग बुझछ भन्ने उहाँको नाम आउँदा बित्तिकै विश्वास भएको थियो,’ पौडेले भन्नुभयाे । टिजर आइसकेपछि निर्माताले सफलताको आशा गर्नु स्वभाविक हो । दर्शकले पनि अपेक्षा राख्नुभएकाे छ । हरिवंश पनि सन्तुष्ट देखिन्छन् यसमा । ‘विनोद पौडेलसँग काम गर्न गार्हाे छ । उहाँलाई प्रफेक्सन चाहिन्छ । त्यो चूनौतीपूर्ण नै थियो मेरो लागि । र मैले चाहिँ आफूले लिएको जिम्मेवारी पूरा गर्ने कोसिस गरेँ त्यहीँ अनुसार पनि त्यो चूनौतीको फल हो भन्ने
लागेको छ,’ आचार्यले भन्नुभयाे ।

चलचित्र भूठानहरिवंश आचार्य

प्रकाशित मिति: सोमवार, फाल्गुन १९, २०८१, ३:०८ बेलुका

लेखक: समाचारपाटी