काठमाडौं । आज सुनको भाउ घटेको छ। प्रतितोला २ सय रुपैयाँले सुनको मूल्यमा गिरावट आएको नेपाल सुनचाँदी व्यवसायी महासंघले जनाएको छ।

आज छापावाल सुन प्रतितोला १ लाख १२ हजार २००मा कारोबार भइरहेको छ। हिजो बुधबार पनि सुनको मूल्य प्रति तोला ६०० रुपैयाँले घटेर प्रतितोला १ लाख १२ हजार ४०० रुपैयाँमा कारोबार भएको थियो।

त्यस्तै आज तेजाबी सुन १ लाख ११ हजार ६५० रुपैयाँमा कारोबार भइरहेको छ। बुधबार यसको मूल्य प्रतितोला १ लाख ११ हजार ८५० रुपैयाँ पुगेको थियो।

आज चाँदीको भाउ पनि घटेको छ। हिजो प्रतितोला १४६० रुपैयाँमा कारोबार भएको चाँदी आज १४२५  मा कारोबार भइरहेको छ। 

सुनचाँदी

प्रकाशित मिति: बिहिबार, साउन १८, २०८०, १२:४० बेलुका

लेखक: समाचारपाटी