नेपाली सुनचाँदी बजारमा बुधबार छापावाल सुनको मूल्य अघिल्लो कारोबार दिनका तुलनामा प्रतितोला आठ सयले बढेकाे छ। मङ्गलबार प्रतितोला एक लाख चार सयमा कारोबार भएको सुनको मूल्य आज प्रतितोला एक लाख एक हजार दुई सय तोकिएको छ।

नेपाल सुनचाँदी व्यवसायी महासङ्घले सार्वजनिक गरेको विवरणानुसार आज तेजाबी सुनको मूल्य प्रतितोला एक लाख सात सय छ। यसको मूल्य अघिल्लो दिन ९९ हजार नौँ सय थियो। त्यस्तै चाँदीको मूल्य अघिल्लो कारोबार मूल्यका तुलनामा २५ ले वृद्धी भई प्रतितोला एक हजार चार सय पुगेको महासङ्घले जनाएको छ।

महासङ्घले अन्तरराष्ट्रिय बजारमा हुने सुन तथा चाँदीको कारोबार मूल्यका आधारमा यहाँ दैनिक मूल्य तोक्दै आएको छ।

नेपाल सुनचाँदी व्यवसायी

प्रकाशित मिति: बुधबार, पुस ६, २०७९, १:४४ बेलुका

लेखक: समाचारपाटी