काठमाडौं । नेपाली बजारमा सुनको मुल्य इतिहासकै उच्च भएको छ । यसअघिका सबै भाउको रेकर्ड तोड्दै आज शुक्रबार सुनको भाउ इतिहासकै उच्च भएको हाे । सुन तोलाको लगभग पौने २ लाँख रुपैयाँ पुगेको छ ।

नेपाल सुनचाँदी व्यवसायी महासंघका अनुसार आज शुक्रबार छापावाल सुनमा एकैचोटि ४ हजार रुपैयाँ बढेर तोलाको १ लाख ७४ हजार ५ सय रुपैयाँ पुगेको हो । यसअघिको रेकर्ड भाउ १ लाख ७१ हजार रुपैयाँ थियो ।

महासंघका अनुसार बुधबार छापावाल सुनको मूल्य १ लाख ७० हजार ५ सय रुपैयाँ थियो । बिहीबार सार्वजनिक बिदा परेकाले मूल्य निर्धारण भएको थिएन । यस्तै, बुधबार तोलामा २ हजार रुपैयाँमा कारोबार भएको चाँदीको भाउ आज बढेर २ हजार ५० मा कारोबार भइरहेको छ ।

onlinekhabar

नेपाल सुनचाँदी व्यवसायी महासंघ

प्रकाशित मिति: शुक्रबार, फाल्गुन ३०, २०८१, १२:०१ बेलुका

लेखक: समाचारपाटी