नेपाल नागरिक उड्डयन प्राधिकरणका महानिर्देशक प्रदीप अधिकारीले काँग्रेस सांसद उदय समशेर राणाले इयुको रिपोर्टका विषयमा झुटो बोलेको भन्ने आरोपप्रति असहमति जनाउनुभएको छ ।

बिहीवार प्रतिनिधि सभा अन्तर्गतको अन्तर्राष्ट्रिय सम्बन्ध र पर्यटन समितिको बैठकमा बोल्दै काँग्रेस सांसद राणाले युरोपियन युनियनको रिपोर्टका विषयमा अधिकारीले झुटो बोलेको अरोप लगाएपछि महानिर्देशक अधिकारले आरोपमाथि असहमति प्रकट गर्नुभएको हो । महानिर्देशक अधिकारीले युरोपियन युनियनले पठाएको सेफ्टरिपोर्ट आफूले हुबहु पढेको भन्दै झुटो बोलेको आरोपप्रति आफ्नो भद्र असहमति रहेको बताउनु भयो । उहाँले युरोपियन युनियनले नेपाल वायुसेवा निगममै फोकस भएर अडिट गरी निगमको कमजोरी रिपोर्टमा स्पष्ट रुपमा औंल्याएको दाबी गर्नुभयो । उहाँले आफूले कानूनले तोकेको जिम्मेवारीअनुसार काम गर्दै आएको भन्दै कानून ठिक छैन भनेर आफूले कसरी भन्ने ? भन्दै प्रश्न गर्नुभयो । उहाँले युरोपियन युनियनको सेफ्टी रिपोर्टको कालोसूचिबाट मुक्त हुँदा नेपाल एयरलाइन्सको वाइडबडी जहाज नै युरोप जाने भन्दै अन्य कुनैपनि एयरलाइन्स नजाने बताउनु भयो । उहाँले नेपाल एयरलाइन्सको जहाज नै युरोप जाने भएको कारणले नेपाल एयरलान्समा नै केन्द्रित भएको बताउनु भयो । यता, इयुले हिमालय एयरलाइन्सको पनि फाइल हेरेको र ठिक रहेको भन्दै अडिट गर्न भने नगएको बताउनु भयो । 

उहाँले भन्नुभयो,‘युरोपियन युनियनले आफूलाई पठाएको पत्र र इर्युको रिपोर्ट नोभेम्वर ३० मा प्राप्त भएपछि समितिका सभापतिको सभापतित्वमा उपसमितिमा यो विषयमा छलफल गरिसकेका छौं । बैठकमा पटक–पटक प्रश्न उठ्यो । रिपोर्ट आएपछि नेपाल एयरलाइन्स,श्री एयरलाइन्स र क्यानको आएको थियो । त्यो रिपोर्ट साइटमा नै पढ्न सकिने थियो । मैले पढेको डकुमेण्टमा भएको विषय पढेको छु । त्यो बेलामा नेपाल एयरलाइन्सको विषयमा धेरै फोकस किन भएका थियौं भन्दा देशको ब्राण्डिङ,अन्तर्राष्ट्रिय हाम्रो धारणा अर्को ठाउँमा होला । आजको दिनमा युरोपियन युनियनको सेफ्टी रिपोर्टको कालोसूचिबाट मुक्त हुँदा नेपाल एयरलाइन्सको हवाइटबडी जहाज नै जान्छ । अरु कुनै पनि एयरलाइन्स जाँदैन । त्यसै कारणले फोकस नेपाल एयरलान्समा भएको थियो । ईयुको फोकस पनि नेपाल एयरलाइन्समा नै भएको थियो । क्षमता यसको मात्रै छ । हिमालय एयरलाइन्स फाइल हेर्दा ठिक छ भन्नुभयो । रिपोर्टमा निगममा फोकस हुनु भनिएको छ । क्यानले गर्नुपर्ने कामहरु बाँकी छन् । श्री एयरलाइन्सको रिर्पोट पनि थियो तर श्री एयरलाइन्स खुला भए पनि युरोप जाँदैन । त्यसकारणले माननीय उदयशमशेर राणाले युआर लाइट भन्ने शब्द थाहा छैन । सभापतिले असंसदीय शब्द भन्नुभयो । मेरो यसमा भद्र असहमति छ ।’

बैठकमा नेपाली काँग्रेसका सांसद उदय समशेर राणाले क्यान,नेपाल एयरलाइन्स र मन्त्रीको फरक कुराले अलमलमा परेको बताउनु भयो । उहाँले क्यानका महानिर्देशकले समितिलाई भनेको कुरा र रिपोर्टमा भनेको कुरा फरक रहेको बताउनु भयो । उहाँले क्यानका महानिर्देशक अधिकारीले युरोपियन युनियनले हवाई से को रिपोर्टको विषयमा झुटो बोल्नुभएको आरोप लगाउनु भयो । उहाँले रिपोर्ट पढ्दै ०.५६ देखि ०.६२ सम्म अधिकांश ठाउँमा क्यानको कमजोरीहरु भनेको बताउनु भयो । 

त्यस्तै बैठकमा बोल्दै नेपाल वायुसेवा निगमका अध्यक्ष युवराज अधिकारीले आईकाओको कालोसूचिबाट हट्न मात्रै नभएर नियमनकारी निकाय क्यानको नियमअनुसार जहाजहरु उडान गरिहेको बताउनु भयो । उहाँले निगमले जनशक्ति,प्राविधिक र सिस्टमलाई पालना गरेको दाबी गर्नुभयो । उहाँले क्यानले वर्षमा एकपटक वायुसेवा निगमको पूर्ण अडिट गर्ने र आवश्यकताअनुसार बीचमा पनि अडिट गरेर नियमअनुसार भए÷नभएको प्रमाणित गर्ने गरेको बताउनु भयो । उहाँले रिपोर्टमा देखिएका २५ वटा सुझावमा २० वटा पूर्ण रुपमा निराकरण भएको र ३ वटा एक महिनाभित्रमा पूरा गर्ने प्रतिवद्धता जनाउनु भयो । उहाँले दुईवटा तालिम लगायतका विषय रहेकाले प्रक्रियामा गएको बताउनु भयो ।

उहाँले नेपाल वायुसेवा निगमले ईयुको मात्रै नभएर अन्य अन्तर्राष्ट्रिय मापदण्डहरु समेत पालना गर्दै आफ्ना जहाजहरु उडान गरिरहेको बताउनु भयो ।  

उदय समशेर राणामहानिर्देशक प्रदीप अधिकारी

प्रकाशित मिति: शुक्रबार, पुस ६, २०८०, १२:२० बेलुका

लेखक: समाचारपाटी