पोखरा ४ गैह्रापाटनमा रहेको नेलम्बो नेपालले पोखरा १८ मेथलाङ्गमा रहेको मेथलाङ्ग युवा क्लबलाई खेलकुदका सामग्रीहरु प्रदान गरेको छ । युवाहरुलाई शारीरिक तथा मानसिक विकासमा सहयोग होस् भन्ने हेतुले खेलकुदका सामग्रीहरु एक कार्यक्रमका बीच पोखरा महानगर पालिका वडा नंं १८ की वडा सदस्य कल्पाना ढकालको प्रमुख आथित्यतामा नेलम्बो नेपालका कार्यक्रम संयोजक भीम प्रसाद भण्डारीले क्लबका अध्यक्ष रविन देवकोटालाई हस्तान्तरण गर्नु भएको हो ।
खेलकुदका सामग्रीहरुमा भलिबल, फुटवल, बास्केट बल, भलिबल नेट, ब्याटमिन्टन सेट चेस बोड सेट लगायतका खेलकुदका सामग्रीहरु प्रदान गरिएको हो । उक्त कार्यक्रममा बोल्दै प्रमुख अतिथि कल्पना ढकालले नेलम्बो नेपालले वालवालिकाहरुको शारिरिक मानसकि, तथा बौद्धिक विकास अभिवृद्धि गर्न खेलकुदले महत्व पूर्ण कार्य गर्ने भएको हुदाँ युवा क्लबलाई प्रदान गरिएका सामग्रीहरुले महत्वपूर्ण प्रभाव पर्ने भएको हुदाँ नेलम्बो नेपाल प्रति अभार व्यक्त गर्नु भयो ।
भविष्यमा नेलम्बो नेपाल सँगको सहकार्यमा वडामा अन्य रचनात्मक कार्यहरु पनि गर्न सकिने बताउनु भयो । त्यसै गरी संस्थाका कार्यक्रम संयोजक भीम प्रसाद भण्डारीले नेलम्बो नेपालले प्रदान गरिएका खेलकुदका सामग्रीहरुको सही सदुपयोग गरी उपयोग गर्न सल्लाह प्रदान गर्नु भयो । त्यसैगरी नेलम्बो नेपालले माछापुच्छ्रे गाउँपालिकामा रहेको प्राथमिक स्वास्थ्य सेवा केन्द्रमा बालवालिका हरुको पोषणलाई लक्षित गरी १२ पिस तौत नाम्ने मेसिन र ३० पिस मुका टेप संस्थाका अध्यक्ष एक देव देवकोटाले प्राथमिक स्वास्थ्य सेवा केन्द्र प्रमुख लक्षमण दाहाललाई हस्तान्तरण गर्नु भएको हो ।