पोखरा ४ गैह्रापाटनमा रहेको नेलम्बो नेपालले सामाुदायिक स्वास्थ्य, स्वास्थ्य र वातावरणको क्षेत्रमा क्रियाशिल गैर सरकारी सामाजिक संस्था ले विगत ४ वर्ष देखि धम्पुसको श्रीजनप्रिय आधारभूत विद्यालय र विगत ३ वर्ष देखि श्री उदय माध्यमिक विद्यालयमा निजि शिक्षक अनुदान सहयोग गर्दै आईरहेको छ । भने यस वर्ष पनि दुवै विद्यालयमा शिक्षक अनुदान सहयोग गरेको हो ।

उक्त दुवै विद्यालयको अनुदान सहयोग सम्झौता श्री उदय माध्यमिक विद्यालयमा एक कार्यक्रम बीच हस्ताक्षर गरिएको हो उक्त कार्यक्रममा प्रमुख अतिथि माछापुच्छे गाउँपालिका उपाध्यक्ष सीता अधिकारीले नेलम्बो नेपालले समाजिक उत्तर दायित्व गन्र्तरगत राम्रा कार्यक्रमहरु गरेको र यस वर्ष देखि गाउँपालिकाले नीति तथा कार्यक्रममा पनि नेलम्बो नेपालका कार्यक्रहरुलाई उच्च प्राथमिकतामा राखेर सामुदायिक स्वास्थ्य, शिक्षा र वातावरणको क्षेत्रमा कार्यक्रमहरु सञ्चालन गर्ने बताउनु भयो । उहाँले नेलम्बो नेपालका कार्यक्रमहरु गुणस्तरीय हुनेहुदाँ गाउँपालिकाका अन्य क्षेत्रमा पनि काम गर्न सुजाब दिनु भयो । त्यसै गरी माछापुच्छे गाउँपालिका वडा नं. ७ का अध्यक्ष बैकुष्ठ प्रसाद भण्डारीले नेलम्बो नेपालले वार्षिक १८ देखि २० लाखका योजनाहरु आफ्नो वडाहरुमा सञ्चालन गरेको हुदाँ नेलम्बो नेपालसँग निरन्तर सहकार्य गरीकार्यक्रमहर सञ्चालन गर्ने पनि बताउनु भयो ।

उहाँले शिक्षा र स्वास्थ्य जस्तो सम्बेदनशील क्षेत्रमा जहाँ राज्यले नै पूर्ण अपन्त्व लिनु पर्ने ठाउँमा नेलम्बो नेपाल सहयोगी संस्थाको रुपमा रहेको र गाउँमा दम रोगको समस्या बढी भएको र दम रोगका विरामीहरुलाई अक्सिजन आवश्यकता पर्ने भएको हुदाँ नेलम्बो नेपालसँग १ थान अक्सिजन कन्सन्ट्रेटर माग गरेको र नेलम्बो नेपालले केही दिनमै उपलब्ध गराउने खबर पाएकोमा खुशी व्यक्त गर्नु भयो । संस्थाका अध्यक्ष एक देव देवकोटाले नेलम्बो नेपाल स्वास्थ्य, शिक्षा र वातावरणको क्षेत्रमा माछापुच्छे गाउँपालिका आफ्नो उद्गम थलो रहेको र यसलाई कार्यक्षेत्र बनाएर निरन्तर काम गर्न पाउँलदा खुशि व्यक्त गर्नु भयो । उहाँले आवश्यकताका आधारमा संस्थाले विद्यालय तथा समुदायमा अन्य थप कार्यक्रमहरु पनि सञ्चालन गर्दै जाने पनि बताउनु भयो ।

उक्त कार्यक्रममा गाउँपालिका शिक्षा शाखा प्रमुख सम्झना पोख्रेलले नेलम्बो नेपालले उल्लेखनीय कार्यहरु गरेको र आगामी वर्षहरुका नेलम्बो नेपालसँग थप सहकार्य गर्ने बताउनु भयो । त्यसै गरीविद्यालयका प्रधानाध्यपक धन बहादुर क्षेत्रीले संस्थाले हाल सम्म गरेको क्रियाकलापहरुको सारांश प्रस्तुति व्यक्त गर्नु भयो । जनप्रिय आधारभूत विद्यालयका प्रधानाध्यापक चुडामणीभण्डारीले नेलम्बो नेपाल हरेक दुःख साथ दिँदै आएको स्मरण गर्नु भयो । साथै उक्त शिक्षक सम्झौता कार्यक्रमको जानकारी संस्थाका कार्यक्रम संयोजक भीम प्रसाद भण्डारीले प्रस्तुत गर्नु भएको थियो । विद्यालय व्यवस्थापन समिति अध्यक्ष यम माया वि.क.को सभापतित्वमा भएको कार्यक्रम सच्चालन शिक्षक अमृत कुमार भण्डारीले गर्नु भएको थियो ।

नेलम्बो नेपालशिक्षक अनुदान सम्झौता

प्रकाशित मिति: मङ्लबार, साउन २९, २०८१, ९:०० बिहान

लेखक: समाचारपाटी