fbpx

‘एनसेल शेयर किनबेच प्रकरणमा मेरो र छोरीको नाम जोड्नु गणतन्त्र बिरुद्धको हमला’:- प्रधानमन्त्री दाहाल

author

समाचारपाटी

७ महिना अगाडि

प्रधानमन्त्री पुष्पकमल दाहालले आफूलाई अझै धेरै भ्रष्टाचार र माफियामाथिको छानबिन अघि बढाउने चाहना भएको बताउनुभएको छ । 

मंगलवार राज्य व्यवस्था तथा सुशासन समितिमा बोल्दै प्रधानमन्त्री दाहालले आफूले चाहे जस्तोगरी काम गर्न नसकेको बताउनुभएको हो । उहाँले सुशासन, सामाजिक न्याय र समृद्धिको पक्षमा आफूले प्रतिवद्धता गरेअनुसार काम गर्न नसकेको बताउनुभएको हो । प्रधानमन्त्री दाहालले आफूले नेपालको अन्तर्राष्ट्रिय छविलाई पनि माथि उठाएको दाबी गर्नुभयो । आफू नेपालको कुटनीतिक अवस्था, सन्तुलन र राष्ट्रिय हितलाई केन्द्रमा राखी आक्रमक ढंगले अगाडी बढेको पनि उहाँको भनाई छ । 
उहाँले भन्नुभयो – ‘यदि माननीय सदस्यहरुले सबै काण्ड उस्तै हुन् । सबै मान्छे उस्तै हुन् । सबै नेता उस्तै हुन् भन्नुभयो भने त सडकमा अथवा सोसल मिडियामा चाहिने नचाहिने कुरा गरेर संघीयता, गणतन्त्र, लोकतन्त्रका बिरुद्ध गालि गरेर, अराजकता श्रृष्टि गर्नेको भाषा र हाम्रो भाषा उस्तै उस्तै भयो भने त्यसले के हामी सिस्टमको पक्षमा हुन्छौँ त ? हामीले सिस्टमलाई मद्दत गरेका हुन्छौँ कि जानी, नजानी त्यही प्रवृत्तिलाई प्रोत्साहित गरेका हुन्छौँ भन्ने पनि हामी सबैले सोच्ने हो कि ? मेरो हार्दिक अनुरोध माननीय सदस्यहरुलाई । सबै काण्ड एउटै होइनन् । मलाई अरु केही गर्नुछैन । र मैले जति चाहेको छु त्यति गर्न अझै सकेको छैन । पाएको छैन भन्ने कुरा पनि मैले पब्लिक्ली भनेको छु । सुशासनको पक्षमा या सामाजिक न्यायको पक्षमा या समृद्धिका पक्षमा । मेरो यो पटकको आकांक्षा, मेरो प्रतिवद्धताअनुसार अझ मैले सकेको छैन । पाएको छैन भन्ने चिन्ता छ मलाई । अझ धेरै भ्रष्टाचारमाथि हान्न मन छ मलाई । अझ माफिया माथि हान्न मन छ मलाई । अन्तर्राष्ट्रिय रुपमा नेपालको छवि मेरो ठाउँबाट त मैले बेस्सरी पहल गरेँ भन्ने छ । म त्यसमा सन्तुष्ट पनि छु । चाहे भारत होस् । चाहे चीन होस् । चाहे इटाली, अमेरिका वा राष्ट्रसंघ । मैले नेपालको कुटनीतिक अवस्थालाई, सन्तुलनलाई र नेपालको राष्ट्रिय हितलाई केन्द्रमा राखेर नयाँ ढंगले, आक्रमक ढंगले गएकै छु म भने यो पनि उस्तै हो भनेर तपाईहरुले भनिदिनु भयो भने को चाहीँ आएर के चाहीँ हुन्छ त फेरि ? हामी पनि सबै साक्षि त छौ नि त यहीँ ।’ 

प्रधानमन्त्री दाहालले विभिन्न प्रकरणहरुको प्रकृतिअनुरुप कारबाही प्रक्रिया पनि अगाडी बढाइएको बताउनु भयो ।

एनसेल शेयर किनबेच प्रकरणमा मेरो र छोरीको नाम जोड्नु गणतन्त्र बिरुद्धको हमलाः प्रधानमन्त्री दाहाल
प्रधानमन्त्री पुष्पकमल दाहालले एनसेल शेयर खरिद बिक्री प्रकरणमा आफ्नो र छोरीको नाम जोड्नु वर्तमान राजनीतिक प्रणाली, संविधान र गणतन्त्र बिरुद्धको हमला भएको बताउनुभएको छ । 


मंगलवार राज्य व्यवस्था तथा सुशासन समितिको बैठकमा सांसदहरुको प्रश्नको जवाफ दिँदै प्रधानमन्त्री दाहालले एनसेल शेयर खरिद बिक्री प्रकरणमा आफू र छोरीको नाम जोड्नु राजनीतिक प्रणाली, संविधान र गणतन्त्र विरुद्धको हमला भएको बताउनुभएको हो । उहाँले कतिपय मानिसहरु आफूलाई ‘ह्युमुलेट’ र ‘डिप्रेश’ नगरेसम्म व्यवस्था उल्टिँदैन भनेर त्यही ढंगले लागेका बताउनु भयो । उहाँले एनसेल प्रकरणमा आफ्नो परिवारमाथि लगाइएको आरोप झुठो भएको बताउनु भयो । उहाँले लगाइएको आरोपहरु सावित नहुने पनि बताउनु भयो । उ
हाँले भन्नुभयो – ‘म सँग जोडेर प्रचार गिरिजाबाबुले धमिजा काण्डमा गरेको भन्दा प्रचण्डले एनसेल काण्डमा ४८० गुणाबढी भ्रष्टाचार गरेको छ । त्यो साँचो भएको भए त म बाँच्नै नसक्ने हुन्थ्यो । त्यो झुठो हो भन्ने मलाई थाहा भएपछि त म ढुक्क छु ४८०, ५००, १००० बढी भनेपनि त्यो सावित हुनेवाला छैन । अब मेरो परिवारका सदस्य घट्दै गएर ३ जना भएका छौँ । त्योमध्ये एउटा भरतपुर महानगरपालिकाको मेयर छ, ऊ उतै बढी व्यस्त हुन्छ । एउटा छोरी छ, विचरा त्यो कस्ती छ तपाईहरुले थाहा पाउनुभएकै छ । उसलाई जोडेर बनाएको छ । उचालेको छ । भन्दा म के ठान्छु भने यो वास्तवमा संविधान, प्रणाली, गणतन्त्र, लोकतन्त्र विरुद्धको हमला हो । म स्पष्ट छु त्यसमा । किनकी प्रचण्डलाई नराम्रोसँग ह्युमुलेट नगरेसम्म र डिप्रेश नबनाएसम्म यो उल्टिने भएन भन्ने छ नि त एकथरीलाई ।’

प्रधानमन्त्री दाहालले एनसेलको शेयर खरिद, बिक्री गर्नेहरुलाई आफूले चिनेको भएपनि कानून, संविधान र प्रणालीको बिरुद्धमा गए नछोड्ने बताउनु भयो । चिनेजानेको नाताले अनुहार हेरेर नबस्ने उहाँको भनाई छ । 

एनसेलले आफ्नो स्वामित्व नेपाल सरकारलाई हस्तान्तरण नगर्ने नियत राख्योः प्रधानमन्त्री 
प्रधानमन्त्री पुष्पकमल दाहालले एनसेल शेयर किनबेच प्रकरणमा गडबढी देखिएको बताउनुभएको छ । 


मंगलवार राज्य व्यवस्था तथा सुशासन समितिको बैठकमा बोल्दै प्रधानमन्त्री दाहालले एनसेल शेयर किनबेच प्रकरणमा पहिलो दृष्टिमै गढ्बढी देखिएको बताउनुभएको हो । उहाँले सो प्रकरणमा जालझेल भएको कुरामा आफू स्पष्ट रहेको बताउनुभयो । उहाँले आर्थिक वर्ष ०७२÷०७३ को भ्यालुएसन १४३ अर्ब हुँदा अहिलेको भ्यालुएसन २०० अर्बको हुनुपर्ने भन्दै ६ अर्बको भ्यालुएसन गर्नु जालझेल भएको बताउनु भयो । एनसेलले आफ्नो स्वामित्व नेपाल सरकारलाई हस्तान्तरण नगर्ने नियत राखेको पनि उहाँले बताउनु भयो । प्रधानमन्त्री दाहालले कानूनी छिद्रलाई टाल्ने र एनसेल बिरुद्धको लडाइँमा जुनसुकै मूल्य चुकाउनका लागि पनि आफु तयार रहेको बताउनु भयो । 
उहाँले भन्नुभयो – ‘एनसेल प्रकरणमा अघिल्लो पटक प्रधानमन्त्री हुँदा मैले कर तिर्नैपर्छ भनेर लडेको हो । लेखा समितिमा म आफैँ गएको छु र मैले यो कर तिर्नैपर्छ भनेर लडेको हो म । यो कुरा स्मरण होस् । र तिराइएको हो । त्यही विषयमा मुद्दा प¥यो । र त्यो मुद्दा लड्नका लागि नेपालले जित्न सक्छ भन्ने स्थापित भयो । नेपालले जित्यो झन्डै त्यो जितबाट हाम्रो ६५ अर्ब जोगियो नेपालको । त्यो जोगाउने नेताहरु मध्ये, म मात्रै भन्दिन म । एउटा प्रमुख म हो । अहिले यहाँ जालझेल भएकै छ भन्ने हो मेरो । मैले हेर्दा यहाँ गडबढ नै भएको छ । पहिलो दृष्टिमै गडबढ छ । कर छल्ने पनि छ । स्वामित्व हस्तान्तरण नगर्ने नियत पनि देखिन्छ । १४३ अर्बको लाई ६ अर्बमा बिक्री गर्ने कुरा छ । मलाई विज्ञहरुले अहिले त २०० अर्ब हुनुपर्छ त्यो भ्यालुएसन त भन्नुभएको छ । अहिले ६ अर्बमा बिक्री गर्ने कुरा छ यो कहीँपनि पारदर्शी र प्राकृतिक छैन भनेको हुनाले नै आउँदा आउँदै बाटैबाट निर्देशन जारी गरेको हो । ०७२÷०७३ को १४३ अर्ब त अहिले २०० अर्बको भ्यालुएसन हुनुपर्छ । त्यसकारण त्यहाँ पनि जालझेल छ । हस्तान्तरण नगर्ने नियतले काम गरेको छ । मुख्य चाहीँ । त्यसकारण यसलाई हरहालतमा हस्तान्तरण गराउन हामी सबैले संकल्प लिऔँ । म जुनसुकै मूल्य चुकाउन पनि तयार छु । कानूनको छिद्रहरुलाई टालौँ हामी सबै मिलेर । कानूनी लडाई नलडी पनि हुँदैन । नेपालले जित्न सक्छ ।’

प्रधानमन्त्री दाहालले विगतमा आफू दोस्रो पटक प्रधानमन्त्री हुँदा पनि एनसेललाई कर तिराएको स्मरण गराउनु भयो । त्यसबेला नेपालले मुद्दा जितेर नेपालको ६५ अर्ब जोगिएको उहाँको भनाई छ ।


काठमाडौं

शुक्रबार, असार २९, २०८१

२१.१५°

विचार/विविधा

थप देखाउनुहोस्
विचार

खुट्टाको ३ औलाको सहयोगले लेख्ने प्रतिभावान् साहित्यकार झमक कुमारी घिमिरे 

औपचारिक शिक्षा पाउन असमर्थ घिमिरेले, घरमा भाइ र बहिनीले पढेको र लेखेको ,देखेर र सुनेरै आफ्नो क्षमता विकास गरेकि हुन्।...

विचार

नेपालमा चुराको अन्तरकथा

नेपाली दिदीबहिनीहरूले लगाउने चुरा, पोते अनि मेहेन्दी स्वदेशी मूलको त होइन नै, यी हाम्रो देशमा उत्पादन पनि हुँदैनन् । यी...

विचार

आमाका अन्तर मनका कठोर प्रश्नहरु

हिजोका दिनमा बच्चाहरुले सिक्ने क्रममा गरेका कयौं गल्तीहरुलाई क्षमादिदै उसलाई अगाडि बढ्नको लागि प्रोत्साहन दिने आमा बाबालाई आज बच्चाहरुले किन...

विज्ञापन

कुनै विज्ञापन छैन

चर्चामा भएको ट्रेन्डिङ

थप देखाउनुहोस्

राजनीतिक समाचार

थप देखाउनुहोस्

प्रधानमन्त्री प्रचण्डको विश्वासको मत लिने प्रस्ताव बहुमतले अस्वीकृत

‘कांग्रेस–एमाले सहकार्य कसैले मिलाइदिएको हो’

‘सहकारी र राहदानी प्रकरणमा रविमाथि छानबिन गर्न उच्चस्तरीय छानबिन...

‘सत्ताको मोलमोलाइ र अस्थिरता रोक्न कांग्रेससँग मिल्यौँ’

मनोरञ्जन समाचार

थप देखाउनुहोस्

आर्जन पाण्डेले ल्याए आधुनिक गीत ‘सम्झनाले सताइरह्यो’

गायिका सिम्रन परियार र कुशल वेल्वासेको स्वरमा ‘तातो पानी...

मिस पबि र भुवन को अभिनय मा “सिरसिर पिपल...

न्युर्याेकको टाइम्स् स्क्वारको प्लाडिनियममा पहिलो पटक नेपाली कन्सर्ट हुने

आजको राशिफल

थप देखाउनुहोस्

मेष

वृष

मिथुन

कर्क

सिंह

कन्या

तुला

वृश्चिक

धनु

मकर

कुंभ

मीन