संघीयता सबलीकरण तथा राष्ट्रिय सरोकार समितिको सभापतिमा ग्याल्जेन शेर्पाले उम्मेदवारी मनोनयन दर्ता गराउनुभएको छ ।

शनिवार सिंहदरबारस्थित राष्ट्रिय सभाको संसद सचिवालयमा पुगेर उहाँले मनोनयन दर्ता गराउनुभएको हो । त्यस्तै विकास, आर्थिक मामिला तथा सुशासन समितिमा कमला पन्तको मनोनयन परेको छ । यससँगै एउटा समितिमा दाबेदारीका लागि एक÷एक जनाले मात्रै उम्मेदवारी मनोनयन गराएसँगै निर्बिरोध निर्वाचित हुनुभएको छ । यद्यपि आधिकारिक रुपमा आईतवारमात्रै्र घोषणा हुने संघीय संसद सचिवालयका सहायक प्रवक्ता दशरथ धमलाले बताउनु भयो । उहाँले राष्ट्रिय सभाअन्तर्गतको संघीयता सबलीकरण तथा राष्ट्रिय सरोकार समिति र विकास, आर्थिक मामिला तथा सुशासन समितिका तत्कालीन सभापतिहरुको कार्यकाल सकिएसँगै नेतृत्व रिक्त रहेको थियो । राष्ट्रिय सभा नियमावली, दोस्रो संशोधन नियमावलीले सभापतिको पद रिक्त भएको मितिले १५ दिनभित्र निर्वाचन गरिसक्नुपर्ने भन्ने व्यवस्था गरेअनुसार यही ५ गतेभित्र निर्वाचन गरिसक्नुपर्ने नियमावलीमा व्यवस्था भएअनुसार निर्वाचन गर्न लागिएको बताउनु भयो । उहाँले संघीयता सबलीकरण तथा राष्ट्रिय सरोकार समितिमा उक्त समितिको सभापतिका लागि ग्याल्जेन शेर्पालाई सभापतिको रुपमा गोपीबहादुर सार्की अछामीले प्रश्ताव गर्नुभएको छ भने इन्दिरादेवी गौतम र दुर्गा गुरुङले उक्त प्रश्तावलाई समर्थन गर्नुभएको छ । त्यस्तै विकास, आर्थिक मामिला तथा सुशासन समितिका सदस्य कमला पन्तलाई सोही समितिका सदस्य नारायणदत्त भट्टले प्रश्ताव गर्नुभएको छ भने उक्त प्रश्तावलाई मान्य शारदादेवी भट्टले समर्थन गर्नुभएको छ । सहायक प्रवक्ता धमलाले आईतवार सभापति निर्वाचित गर्न र औपचारिक रुपमा घोषणा गर्नका लागि विकास, आर्थिक मामिला तथा सुशासन समितिको बैठक २ बजे र संघीयता सबलीकरण तथा राष्ट्रिय सरोकार समितिको बैठक १ बजेको लागि बैठक बोलाइएको बताउनु भयो । 

उहाँले भन्नुभयो, ‘राष्ट्रिय सभाअन्तर्गतका दुई वटा समितिहरुमा सभापति पद रिक्त भएको थियो । संघीयता सबलीकरण तथा राष्ट्रिय सरोकार समिति र विकास, आर्थिक मामिला तथा सुशासन समितिका तत्कालीन सभापतिहरुको यही फागुन २० गते कार्यकाल समाप्त भएर पद रिक्त भएको थियो । अहिलेको राष्ट्रिय सभा नियमावली, दोस्रो संशोधन नियमावलीले सभापतिको पद रिक्त भएको मितिले १५ दिनभित्र निर्वाचन गरिसक्नुपर्ने भन्ने व्यवस्था गरेअनुसार यही ५ गतेभित्र निर्वाचन गरिसक्नुपर्ने हाम्रो नियमावलीको व्यवस्था छ । सोही बमोजिम आज सभापतिको लागि प्रश्ताव गर्नुपर्ने प्रश्तावको सूचना दिनुपर्ने म्याद निर्धारण गरिएको थियो, यसैअनुसार दुवै समितिमा सभापतिको लागि उम्मेदवारहरुको नाम प्रश्ताव हुन आएको छ । मनोननय दर्ता भएको छ । संघीयता सबलीकरण तथा राष्ट्रिय सरोकार समितिमा उक्त समितिका मान्य सदस्य ग्याल्जेन शेर्पालाई सभापतिको रुपमा माननीय गोपीबहादुर सार्की अछामीले प्रश्ताव गर्नुभएको छ भने मान्य इन्दिरादेवी गौतम र दुर्गा गुरुङ उक्त प्रश्तावलाई समर्थन गर्नुभएको छ । विकास, आर्थिक मामिला तथा सुशासन समितिका मान्य सदस्य कमला पन्तलाई सोही समितिका मान्य सदस्य नारायणदत्त भट्टले प्रश्ताव गर्नुभएको छ । उक्त प्रश्तावलाई मान्य शारदादेवी भट्टले समर्थन गर्नुभएको छ । यसअनुसार भोलि दुवै समितिमा आफ्ना आफ्ना बैठक हुन्छन् । विकास, आर्थिक मामिला तथा सुशासन समितिको बैठक २ बजे र संघीयता सबलीकरण तथा राष्ट्रिय सरोकार समितिको बैठक १ बजेको लागि बोलाएको छ । उक्त बैठकहरुमा सभापतिका लागि नियमावलीको व्यवस्थाबमोजिम निर्वाचन हुन्छ । निर्वाचनको सवालमा नियमावलीमा एउटा मात्रै प्रश्ताव दर्ता हुन आएमा निर्बिरोध निर्वाचन हुने व्यवस्था छ । दुवै समितिमा निर्बिरोध निर्वाचित हुने निश्चित भएको छ ।’

उहाँले आईतवारको बैठकमा सभापतिका लागि नियमावलीको व्यवस्थाबमोजिम निर्वाचन हुने बताउनु भयो । निर्वाचनको सवालमा नियमावलीमा एउटा मात्रै प्रश्ताव दर्ता हुन आएमा निर्बिरोध निर्वाचन हुने व्यवस्था रहेकाले दुवै समितिमा निर्बिरोध निर्वाचित हुने निश्चित भएको बताउनु भयो ।

–न्युज एजेन्सी नेपाल

कमला पन्तग्याल्जेन शेर्पाराष्ट्रिय सरोकार

प्रकाशित मिति: शनिबार, चैत्र ३, २०८०, ५:३६ बेलुका

लेखक: समाचारपाटी