राष्ट्रिय सभा सदस्य भगवती न्यौपानेले प्राङ्गारिक मलको कारखाना खोल्नुपर्ने बताउनुभएको छ । आईतवार राष्ट्रिय सभा बैठकमा आगामी आर्थिक वर्ष २०८१÷८२ का लागि विनियोजन विधेयकका सिद्धान्त र प्राथमिकतामाथि छलफल गर्दै राष्ट्रिय सभा सदस्य न्यौपानेले सरकारले प्राङ्गारिक मलको कारखाना खोल्नुपर्ने बताउनुभएको हो । उहाँले सरकारले आगामी आर्थिक वर्षमा रासायनिक मलको कारखाना खोल्नुभन्दा पनि प्राङ्गारिक मलको कारखाना खोल्नुपर्नेमा जोड दिनुभयो । उहाँले माटोको गुणस्तर नबिर्गान र मानव स्वास्थ्यलाई समेत नबिर्गानका लागि प्राङ्गारिक मलमा जोड दिनुपर्ने बताउनु भयो । त्यस्तै उत्पादनलाई बढाउनको निम्ति सरकारले सिँचाई सुविधामा पनि ध्यान पुर्याउनुपर्ने बताउनु भयो । 

उहाँले भन्नुभयो – ‘रासायनिक मलको कारखाना खोल्ने कुरा उल्लेख गर्नुभएको छ । किसानहरुले उत्पादनलाई बढाउने हो भने मल, बीउको लागि सरकारले सोच्नुपर्ने विषय हो । म जोड दिएर भन्न चाहन्छु प्राङ्गारिक मललाई बढी महत्व दिउँ । प्राङ्गारिक मलको कारखाना खोल्ने कुरालाई सरकारले बढी महत्व दिन आवश्यक छ । त्यसले माटोको गुणस्तरलाई नबिर्गान, मानव स्वास्थ्यलाई नबिगार्न प्राङ्गारिक मलमा जोड दिनुपर्छ । उत्पादनलाई बढाउनको निम्ति सिँचाई सुविधाको विषयमा सरकारले ध्यान दिनुपर्छ । हामीकहाँ भएका ६ हजार वटा नदीहरुलाई प्रयोग गरेर सिँचाइको व्यवस्था सरकारले गर्नुपर्छ । अनि मात्रै कृषि उत्पादकत्व बढाउन सकिन्छ । हामीलाई चाहिने खाद्यान्न उत्पादन गर्न सरकारले त्यस विषयमा ध्यान पु¥याउनु पर्दछ ।’ 
उहाँले विद्यार्थीहरु नेपालकै विश्वविद्यालयमा पढ्ने वातावरण बनाउनुपर्ने बताउनु भयो ।

—न्युज एजेन्सी नेपाल

प्राङ्गारिक मलसांसद भगवती न्यौपाने

प्रकाशित मिति: आइतवार, फाल्गुन २७, २०८०, ५:०६ बेलुका

लेखक: समाचारपाटी