इनफिनिक्स, मोबाइल प्रविधिको एक विश्वव्यापी अग्रणी ब्रान्डले बार्सिलोना, स्पेनमा आयोजित मोबाइल वर्ल्ड कंग्रेस (एमडब्लुसी) २०२५ मा आफ्ना सोलार इनर्जी रिजर्भिङ प्रविधि र एआई-ड्रिभन सुविधाहरू मार्फत दर्शकहरूलाई मोहित गर्‍यो। यी अत्याधुनिक प्रविधिहरूले प्रतिष्ठित पुरस्कारहरू जित्दै, कम्पनीको दिगो र प्रविधि-केन्द्रित नवप्रवर्तनप्रतिको प्रतिबद्धतालाई पुनः पुष्टि गर्यो।

कम्पनीले प्रस्तुत गरेको कन्सेप्ट स्मार्टफोनको पछाडिको भागमा एकीकृत पेरोभस्काइटसोलार सेल्स रहेका छन्, जसले वरपरको प्रकाश उपयोग गरी हरित ऊर्जा-आधारित चार्जिङ को सुविधा प्रदान गर्छ। एमडब्लुसीद्दण्द्दछ मा बेस्ट फोन कन्सेप्ट पुरस्कार जित्दै, यस प्रविधिले भविष्यमा स्मार्टफोन चार्जिङको परिदृश्य बदल्ने सम्भावना उजागर गर्यो।

यसैक्रममा, इनफिनिक्स ले सौर्य चार्जिङ (सोलार चार्जिङ) फोन केस समेत प्रस्तुत गर्‍यो, जुन प्रोटोटाइप डिभाइसहरूसँग साइड सम्पर्कमार्फत जडान हुन्छ। यसले विद्युत् अभाव वा बाहिरी यात्रा को समयमा सहज चार्जिङको सुविधा प्रदान गर्छ।

यसबाहेक, कम्पनीले दोस्रो पुस्ताको ई-कलर सिफ्ट प्रविधि अनावरण गर्‍यो, जसमा ईइन्क पछाडिको प्यानल प्रयोग गरिएको छ। यस प्रविधिले फोनको आन्तरिक ब्याट्रीद्वारा रंग र ढाँचाहरू परिवर्तन गर्न सक्षम बनाउँछ। एआई को प्रयोग गर्दै, प्रयोगकर्ताहरूले फोटोहरू वा मौसमअनुसार फोनको लुक परिवर्तन गर्न सक्छन्।

यी नवप्रवर्तनहरू(इनोभेसन्स)ले दिगो ऊर्जा समाधान र एआई-आधारित अनुकूलन मा इनफिनिक्स को अग्रसरतालाई पुष्टि गर्छन्। कम्पनीले नवीकरणीय ऊर्जा स्रोतहरू र स्मार्ट व्यक्तिगतकरण को खोजी गर्दै प्रयोगकर्ताहरूलाई वातावरणमैत्री प्रविधिहरू प्रदान गर्ने लक्ष्य राखेको छ।

उत्कृष्ट प्रदर्शनएमडब्लुसी

प्रकाशित मिति: शनिबार, चैत्र १, २०८१, ३:३५ बेलुका

लेखक: समाचारपाटी