जोमसोम । जिल्ला प्रशासन कार्यालय मुस्ताङको पुरानो भवनमा बिहीवार बिहान करिव १:४० बजे आगलागी भएको छ । आगलागीबाट सिडियोका पिएसओ हवल्दार खेमप्रसाद तिवारी घाइते हुनुभएकाे छ । घाइते पिएसओ तिवारीलाई एम्बुलेन्स मार्फत पोखरा झारिँदै गरेको मुस्ताङका सहायक सिडियो रामप्रसाद सुवेदीले जानकारी दिनुभयाे । घाइते तिवारीको हात र औँलामा चोटपटक लागेको र उहाँको अवस्था मध्यम रहेको सहायक सिडियो सुवेदीले बताउनुभयाे ।

आगलागी विद्युत सट वा ग्यास लिक भएर हुन सक्ने उहाँको भनाइ छ । तिवारी आगलागी भएको थाहा पाएपछि झ्यालबाट हाम फालेर बाहिर निस्किनुभएकाे थियाे ।

आगलागी प्रहरी र स्थानीयबासीको सहयोगमा नियन्त्रणमा लिइएको थियो । उक्त प्रशासनको भवनको माथिल्लो तलाको एक कोठामा सहायक सिडियोको क्वाटर र अर्कोमा सिडियोका पिएसओ बस्ने गर्नुहुन्थ्याे। आगलागीबाट प्रशासन कार्यालयको भवनमा आशिंक क्षति भएको छ । घटनाको विस्तृत विवरण आउन बाँकी रहेको प्रहरीले जनाएको छ ।

annapurnapost

आगलागीप्रशासन कार्यालय मुस्ताङ

प्रकाशित मिति: बिहिबार, माघ ३, २०८१, ९:५४ बिहान

लेखक: समाचारपाटी