काठमाडौं महानगरपालिका वडा नं. १६ का वडाध्यक्ष मुकुन्द रिजालको निधन भएको छ । उहाँको निधन आज (बिहीवार) बिहान अस्पतालमा उपचारका क्रममा भएको हो । निधनपछि उहाँको पार्थिव शरीर श्रद्धाञ्जली अर्पण गर्न राष्ट्रिय सभा गृहमा राखिएको थियो ।

सभागृहमा उहाँको पार्थिव शरीरमा पूर्वप्रधानमन्त्री डा.बाबुराम भट्टराई, काठमाडौं महानगरपालिकाका प्रमुख बालेन्द्र साह, उपप्रमुख सुनिता डंगोल,काँग्रेस महामन्त्री गगनकुमार थापा लगायतका नेताहरुले उहाँको पार्थिव शरीरमा काठमाडौं महानगरको झण्डा ओढाएर श्रद्धाञ्जली अर्पण गर्नुभएको थियो ।

उहाँको पार्थिव शरीर आजै दिउँसो साढे बजे दाहसंस्कार गर्ने परिवार श्रोतले बताएको छ । रिजालको आज बिहान साढे ७ बजे काठमाडौंको धापासीस्थित ग्राण्डी अस्पतालमा उपचारका क्रममा निधन भएको थियो ।

पार्थिव शरीरश्रद्धाञ्जली अर्पण

प्रकाशित मिति: बिहिबार, भदौ २१, २०८०, २:०२ बेलुका

लेखक: समाचारपाटी