fbpx

पूर्वी पहाडी जिल्लाहरुमा खाद्यन्नलगायतका अति आवश्यकीय बस्तुको तत्काल व्यवस्था गर्न सरकारसँग एमाले सचिव भट्टराईको माग

author

समाचारपाटी

१२ महिना अगाडि

नेकपा (एमाले)का सचिव एवं सांसद योगेशकुमार भट्टराईले बाढि र पहिरोका कारण ठूलो धनजनको क्षति भएको ताप्लेजुङलगायतका पूर्वी पहाडी जिल्लामा खाद्यान्न, औषधिलगायतका अति आवश्यकीय बस्तुहरुको तत्काल आवश्यक व्यवस्था मिलाउन सरकारसँग माग गर्नु भएको छ ।  

बुधबार प्रतिनिधिसभा बैठकमा आकस्मिक समय लिएर बोल्दै उहाँले ती जिल्लाहरुमा मानवीय संकट उत्पन्न हुँदा पनि सरकारले पीडितहरुका लागि अति आवश्यकीय बस्तुहरुको व्यवस्थापन गर्न नसकेको भन्दै असन्तुष्टि समेत व्यक्त गर्नु भयो । उहाँले ताप्लेजुङ जिल्ला राजमार्गहरुबाट सम्पूर्ण रुपमा सम्पर्क विच्छेदको अवस्थामा रहेको उल्लेख गर्दै पहिरोले बगाएका पुलहरुको तत्काल निर्माण हुने गरी आवश्यक प्राविधिक जनशक्तिको व्यवस्था गर्न पनि सरकारको गम्भिर ध्यानकर्षण गराउनु भयो । उहाँले पुनर्निर्माण र पुनर्वासका लागि पनि सरकारले खासै काम गर्न नसकेको भन्दै आक्रोश समेत व्यक्त गर्नु भयो ।

सचिव भट्टराईले भन्नु भयो, ‘गएको जेष्ठ ३२ गतेदेखि भईरहेको अविरल वर्षाले पूर्वी पहाडमा भएको क्षतिबारे यो संसदलाई जानकारी नै छ । ताप्लेजुङ जिल्लामा ६ जना, पाँचथरमा ६ जना, संखुवासभामा २४ जना गरी जम्मा ३४ जनाको अहिलेसम्म मृत्यु भएको खवर छ । र, त्यसको तत्कालै रेष्पोन्स गर्नका लागि सम्माननीय प्रधानमन्त्रीज्यूसँग हामीले भेट्यौं । र, उहाँको नेतृत्वमा स्थलगत अवलोकन गर्ने प्रयत्नभयो । तर मौसमको खरावीले त्यो सम्भव भएन । त्यसपछि पनि सम्बन्धित मन्त्रीहरुसँग हामीले पटकपटक छलफल गर्यौं । स्वयम् प्रधानमन्त्रीजीले यसमा सम्बन्धित निकायको ध्यानाकर्षण गराउनु भयो । निर्देशन दिनु भयो । हामीलाई अव छिट्टै काम होला भन्ने लागेको थियो । तर अहिले पनि विशेषगरी ताप्लेजुङ जिल्लालाई जोडने ३ वटा राजमार्गहरु सबै अहिले अवरुद्ध छन । मेची राजमार्ग चलेको छैन । ताप्लजुङको सम्पर्क सम्पूर्ण रुपले विच्छेद भएको छ । त्यसकारण ताप्लेजुङमा एक प्रकारले भन्ने हो भने मानविय संकट उत्पन्न भएको छ सभामुख महोदय । खाद्य संकट, मानवीय संकट उत्पन्न भएर ठूलो मानवीय संकट त्यहाँ उत्पन्न भईरहेको छ । पुलहरु बगाएको छ । सडकहरु बगाएको छ । तर जति तदारुकताका साथ त्यसको मर्मत, सम्हार हुनुपर्ने थियो । त्यो हुन सकिरहेको छैन । त्यसकारण फेरीपनि मैले आज सभामुखमार्फत् नेपाल सरकारलाई ध्यानाकर्षण गर्नका निम्ति विशेष गरी जहाँ खाद्यन्न संकट छ । ती ठाउँहरुमा हवाई यातायातबाट भएपनि खाद्य, औषधिलगायतका अति आवश्यकीय बस्तुहरुको आपूर्ति व्यवस्था गर्न म सरकारसँग माग गर्न चाहन्छु । र, जहाँ काम भइरहेको छ । त्यहाँ पर्याप्त जनशक्ति नै छैन । पुलहरुको मर्मत गर्ने ठाउँमा पर्याप्त जनशक्ति छैन । प्राविधिक इन्जिनियरहरु पुगेका छैनन् । सडक मर्मत गर्ने ठाउँमा प्राविधिकहरु पुगेका छैनन् । अनि, अन्य जनशक्तिको पनि अभाव छ । एक दर्जन जति पुलहरु भत्केका छन । दर्जनौ झोलुंगे पुलहरु भत्केका छन । त्यसको तत्काल काम अघि बढाउन पनि सभामुखमार्फत सरकारको ध्यानाकर्षण गराउन चाहन्छु । र, जोखिममा परेकाहरुको पुनस्र्थापनाका लागि दिर्घकालीन योजना तत्काल बनाउन पनि सभामुखमार्फत ध्यानाकर्षण गराउन चाहन्छु ।’

सचिव भट्टराईले पहिरोले भत्काएका पुलहरुको निर्माणका लागि आवश्यक जनशक्तिको पनि तत्काल व्यवस्था गर्न सरकारलाई सचेत गराउनु भयो ।


काठमाडौं

शुक्रबार, असार ८, २०८१

२३.१५°

चर्चामा भएको ट्रेन्डिङ

थप देखाउनुहोस्

विज्ञापन

कुनै विज्ञापन छैन

राजनीतिक समाचार

थप देखाउनुहोस्

नगरसभामा कांग्रेस, एमालेको धङधङी बोकेर नआउनुस् : बालेन शाह

अमेरिकाले इजिप्टको विकासका लागि १३० मिलियन अमेरिकी डलर उपलब्ध...

‘सरकारले लगानी बोर्ड तत्काल खारेज गर्नुपर्छ’

समयमा नै किसानलाइ मल उपलब्ध गराउन रास्वपाको माग

विचार/विविधा

थप देखाउनुहोस्
विचार

खुट्टाको ३ औलाको सहयोगले लेख्ने प्रतिभावान् साहित्यकार झमक कुमारी घिमिरे 

औपचारिक शिक्षा पाउन असमर्थ घिमिरेले, घरमा भाइ र बहिनीले पढेको र लेखेको ,देखेर र सुनेरै आफ्नो क्षमता विकास गरेकि हुन्।...

विचार

नेपालमा चुराको अन्तरकथा

नेपाली दिदीबहिनीहरूले लगाउने चुरा, पोते अनि मेहेन्दी स्वदेशी मूलको त होइन नै, यी हाम्रो देशमा उत्पादन पनि हुँदैनन् । यी...

विचार

आमाका अन्तर मनका कठोर प्रश्नहरु

हिजोका दिनमा बच्चाहरुले सिक्ने क्रममा गरेका कयौं गल्तीहरुलाई क्षमादिदै उसलाई अगाडि बढ्नको लागि प्रोत्साहन दिने आमा बाबालाई आज बच्चाहरुले किन...

मनोरञ्जन समाचार

थप देखाउनुहोस्

अन्तरजातीय विवाहको कथामा फिल्म ‘ईश्वर’को ट्रेलर सार्वजनिक (भिडियो सहित)

गीतकार प्रमिला बस्नेतको हिन्दी गीत ‘बहुरानी’ सार्वजनिक

नेपाली चलचित्र ‘दान्भी’ को ट्रेलर सार्वजनिक

नेपाली चलचित्र ‘पुजार सार्की’को प्रिमियर शो

आजको राशिफल

थप देखाउनुहोस्

मेष

वृष

मिथुन

कर्क

सिंह

कन्या

तुला

वृश्चिक

धनु

मकर

कुंभ

मीन