राष्ट्रिय स्वतन्त्र पार्टीका सांसद गणेश पराजुलीले सरकारमा रहँदा पनि जनताका आवाज मर्न नदिने बताउनुभएको छ । 

बिहीवार संसद भवन परिसरमा सञ्चारकर्मीहरुसँग कुरा गर्दै उहाँले यस्तो बताउनुभएको हो । उहाँले आफूहरुको आसन मात्रै फेरिएको र चरित्र पुरानै रहेको भन्दै उहाँले जनताका आवाज उठाउने कुरामा नै आफूहरु केन्द्रित हुने बताउनु भयो । उहाँले सदनमा क्यालेण्डर लागू भएको कुरा रास्वपाकै देन रहेको बताउनु भयो । 

उहाँले भन्नुभयो, ‘हामी हिजो प्रतिपक्षमा बस्दै गर्दा पनि हामीले जति खरा आवाज उठान गरेका थियौँ र जति विषयवस्तु उठाएका थियौँ । हामीले सदनमा क्यालेण्डर लागू गरौँ भन्दा उडाइन्थ्यो आज वास्तविकतामा परिणत भएको छ । प्रतिपक्षमा रहँदा जसरी जनताका आवाज उठाएका थियौँ, ति आवाजको महत्व जति रहेको थियो, आज सरकारमा रहँदा पनि हामीले त्यो पाटो भुलेका छैनौँ । त्यति नै सान्दर्भिकता छ । हामीले आसन बदलेका हौँ, चरित्र बदलेका छैनौँ ।’उहाँले न्युनतम साझा कार्यक्रमअन्तर्गत नै रास्वपाको सरकारमा उपस्थिति रहेको बताउनु भयो ।

—न्युज एजेन्सी नेपाल

राष्ट्रिय स्वतन्त्र पार्टीसांसद गणेश पराजुली

प्रकाशित मिति: शुक्रबार, चैत्र २, २०८०, १:०६ बेलुका

लेखक: समाचारपाटी