नेपाली काँग्रेसका सांसद डा. शेखर कोईरालाले नेपाली काँग्रेसले राष्ट्रियता, समाजवाद र प्रजातन्त्रलाई नछोडेको बताउनुभएको छ ।

आईतवार रुपन्देहीमा आयोजित कार्यक्रमलाई सम्बोधन गर्दै उहाँले यस्तो बताउनुभएको हो । उहाँले कतिपयले काँग्रेसले समाजवाद बिर्सियो भन्ने गरेको भन्दै काँग्रेसले समाजवाद नबिर्सिएको बताउनु भयो । उहाँले कसैले बोलेको भए त्यसलाई मतलव नगर्न आग्रह गर्नुभयो । उहाँले कहिले कहीँ राजनीतिमा ‘इग्नोर’ गर्नुपर्ने बताउनु भयो । 

उहाँले भन्नुभयो, ‘कति साथीहरुले भन्नुहुन्छ, नेपाली काँग्रेसले समाजवाद बिर्सियो । छोड्यो भनेर । होइन । कुनै हाम्रै साथीहरुले बोल्नुभएको छ भने त्यसालाई इग्नोर गर्नुस् । कहिले कहीँ राजनीतिमा इग्नोर पनि गर्नुपर्छ । तर नेपाली काँग्रेसले राष्ट्रियता, समाजवाद र प्रजातन्त्रका कुराहरुलाई हामीले छोडेका छैनौँ ।’सांसद कोईरालाले सामाजिक सुरक्षालाई नेपाली काँग्रेसले बढाइराखेको पनि बताउनु भयो ।

—न्युज एजेन्सी नेपाल

प्रकाशित मिति: सोमवार, फाल्गुन १९, २०८१, ११:३५ बिहान

लेखक: समाचारपाटी